- ການໂຈມຕີໃນ Linux ກ່ອນໜ້ານີ້ Linux ອາດບໍ່ຕົກເປັນເປົ້າຂອງແຮັກເກີເທົ່າໃດ ເນື່ອງຈາກບໍ່ໄດ້ໃຊ້ງານກັນແຜ່ຫຼາຍ ແຕ່ປະຈຸບັນສະຖານນະການໄດ້ປ່ຽນໄປແລ້ວ Linux ຖືກໃຊ້ເປັນລະບົບຫຼັງບ້ານຂອງເຄືອຂ່າຍ ແລະ ໂຊລູຊັນ Container ຂອງທັງອຸປະກອນ IoT ແລະ Mission-critical Apps ຫລາຍຂຶ້ນ ສົ່ງຜົນໃຫ້ແຮັກເກີເລີ່ມໃຫ້ຄວາມສົນໃຈໂຈມຕີລະບົບປະຕິບັດ Linux ແລະ ແອບພລິເຄຊັນທີ່ຣັນຢູ່ເທິງລະບົບເຫຼົ່ານັ້ນຫລາຍຂຶ້ນຕາມ ທີ່ໜ້າກັງວົນ ຄື ອົງກອນສ່ວນໃຫຍ່ມັກຄຸ້ນເຄີຍກັບການປົກປ້ອງລະບົບ Windows ແຕ່ມີພຽງສ່ວນນ້ອຍທີ່ພ້ອມຮັບມືກັບໄພຄຸກຄາມເທິງ Linux
- ການໂຈມຕີລະບົບເຄືອຂ່າຍຜ່ານດາວທຽມເມື່ອການເຊື່ອມຕໍ່ອິນເຕີເນັດຜ່ານດາວທຽມຫລາຍຂຶ້ນ ແນວໂນ້ມຂອງເຄື່ອງມືທີ່ໃຊ້ໂຈມຕີລະບົບເຫຼົ່ານີ້ເລຍເພີ່ມຂຶ້ນຕາມ ຊຶ່ງເປົ້າໝາຍຫຼັກ ຄື ອົງກອນທີ່ພຶ່ງພາການເຊື່ອມຕໍ່ຜ່ານດາວທຽມເພື່ອສະໜັບສະໜູນກິດຈະກຳທີ່ຕ້ອງການ Latency ຕ່ຳ ເຊັ່ນ ເກມອອນໄລນ໌ ຫລື ບໍລິການສຳລັບພື້ນທີ່ຫ່າງໄກ ລວມໄປເຖິງອອບຟິດພາກສະໜາມ ທໍ່ຂົນສົ່ງ ເຮືອສຳລານ ແລະ ສາຍການບິນ
- ການໂຈມຕີທີ່ພຸ່ງເປົ້າ Crypto Wallet Crypto Wallet ກາຍເປັນຄວາມສ່ຽງໃໝ່ຈາກການທີ່ມີມັນແວຖືກອອກແບບມາເພື່ອພຸ່ງເປົ້າຂໍ້ມູນທີ່ເກັບຢູ່ພາຍໃນຫລາຍຂຶ້ນ ເຊັ່ນ Bitcoin Private Key, Bitcoin Address, Crypto Wallet Address ຫລື ຂໍ້ມູນສຳຄັນອື່ນໆ ຈາກນັ້ນຈຶ່ງນຳຂໍ້ມູນດັ່ງກ່າວມາໃຊ້ ເພື່ອດູດເງີນອອກໄປ ການໂຈມຕີ Crypto Wallet ມັກເລີ່ມຈາກແຄມເປນ Phishing ໂດຍແນບມັນແວມາກັບໄຟລ໌ Word ແລ້ວກະຈາຍຜ່ານອີເມວໄປຢັງເປົ້າໝາຍຫຼາຍໆ ລາຍ
- ການໂຈມຕີລະບົບ OT Fortinet ພົບວ່າ Ransomware ພຸ່ງເປົ້າ Critical Infrastructure ຫລາຍຂຶ້ນ ຊຶ່ງ Ransomware ເຫຼົ່ານີ້ເລີ່ມຖືກຮຽກວ່າ “Killware” ເນື່ອງຈາກບາງເຫດການສົ່ງຜົນກະທົບຕໍ່ຊີວິດມະນຸດໂດຍກົງ ລວມໄປເຖິງສ້າງຄວາມເສຍຫາຍຕໍ່ລະບົບໂຮງໝໍ ທໍ່ຂົນສົ່ງ ສູນບຳບັດນ້ຳເສຍ ແລະ ໂຄງສ້າງພື້ນຖານທີ່ສຳຄັນຕໍ່ການດຳລົງຊີວິດຂອງມະນຸດອື່ນໆ
- ການໂຈມຕີທີ່ Edge ການເຮັດວຽກງານຈາກໄລຍະໄກທີ່ເພີ່ມຂຶ້ນເປີດຊ່ອງໃຫ້ພັຍຄຸກຄາມລຸກລ້ຳເຂົ້າມາໃນລະບົບເຄືອຂ່າຍຂອງອົງກອນໄດ້ຫລາຍຂຶ້ນ ການເພີ່ມຂອງ Network Edge ໝາຍເຖິງການມີສະຖານທີ່ ທີ່ໃຊ້ຊ່ອນໄພຄຸກຄາມປະເພດ “Living off the Land” ໄດ້ຫລາຍກວ່າເດີມ ເຕັກນິກນີ້ເຮັດໃຫ້ແຮັກເກີສາມາດໃຊ້ຊັບພະຍາກອນທີ່ Edge ເພື່ອສອດສ່ອງການເຮັດວຽກງານແລະຂໍ້ມູນເທິງ Edge ຈາກນັ້ນ ໂຈນ ໄຮແຈັກ ຫລື ຮຽກຄ່າໄຖ່ຈາກລະບົບ ແອບພລິເຄຊັນ ແລະ ຂໍ້ມູນທີ່ສຳຄັນຂອງອົງກອນໄດ້
ຂໍ້ມູນຈາກ:
0 ความคิดเห็น