ວິທີການເພີ່ມ Virtual Memory ໃນ Windows 10 ສຳລັບ Notebook / PC ໜ່ວຍຄວາມຈຳແຣມໜ້ອຍ

ໃນ Windows 10 ນັ້ນ​​ໜ່ວຍ​ຄວາມ​ຈຳ​​ສະ​ເໝືອນ​ຖື​ວ່າ​ເປັນ​ອົງ​ປະ​ກອບ​ທີ່​ສຳ­ຄັນ​ຫລາຍ​ຢ່າງ​ ​ເນື່ອງ​ຈາກ​ວ່າ​ມັນ​ຖືກ​ອອກ​ແບບ​ຂຶ້ນ​ມາ​ເພື່ອ​ທີ່​ຈະ​ນຳ​ເອົາ​ຂໍ້​ມູນ​ຕ່າງໆ ທີ່​​ຕ້ອງ​ໃຊ້​ງານ​ເລື້ອຍໆ ອອກ​ມາ​ຈາກ​ຫນ່ວຍ​ຄວາມ​ຈຳ​ຫຼັກ​ມາ​ເກັບ​ເອົາ​ໄວ້​ໃນຮາ​​ດ​ດິສ​ ​ເພື່ອ​ທີ່​ຈະ​ໄດ້​ສາ­ມາດ​ເອີ້ນ​ໃຊ້​ງານ​ຂໍ້​ມູນ​ຕ່າງໆ ເຫຼົ່າ­ນັ້ນ​ໄດ້​ງ່າຍ​ຫລາຍ​ຂຶ້ນ​ກວ່າ​ເກົ່າ ຊຶ່ງ​ຈາກ​ວິ­ທີ​ການ​ດັ່ງ​​​ກ່າວ​ນັ້ນ​ເ​ລີຍເຮັດ​ໃຫ້​​ປະ​ສິດ­ທິ​ພາບ​ໃນ​ການ​ເຮັດ​ວຽກ​ງານ​ຂອງ​ຕົວ​ເຄື່ອງ​ນັ້ນ​ດີ​ຫລາຍ​ຂຶ້ນ​ກວ່າ​​ເກົ່າ​ຫລາຍ ອີກ​ປະ­ໂຫຍດ​ໜຶ່ງ​ນັ້ນ​ກໍ​ຄື​ມັນ​ຢັງ​ສາ­ມາດ​ທີ່​ຈະ​ຊ່ວຍ​ໃຫ້​​ໜ່ວຍ​ຄວາມ​ຈຳ​ຫຼັກ​ ​ບໍ່​ເຕັມ​ງ່າຍອີກ​ດ້ວຍ

ດັ່ງ­ນັ້ນ​ແລ້ວ​ເພື່ອ​ໃຫ້​​ສາ­ມາດ​ໃຊ້​ປະ­ໂຫຍດ​ຈາກ​ຮາດດິສ (ຊຶ່ງ​ໃນ​ປະ­ຈຸ​ບັນ​ນັ້ນ​ຈະ​ມີ​ຄວາມ​ໄວ​ໃນ​ການ​ໂອນ​ຖ່າຍ​ຂໍ້​ມູນ​ສູງ​ຂຶ້ນ​ຫລາຍ​ກວ່າ​ເກົ່າ) ໃຫ້​ໄດ້​ຫລາຍ​ທີ່​ສຸດ​ເຮົາ​ຈຶ່ງ​ຂໍ​ແນະ­ນຳ​ວິ­ທີ​ການ​ປັບ​​ຕັ້ງ​ຄ່າ Virtual Memory ໃຫ້​ທຸກ​ທ່ານ​ໄດ້​ລອງ​ເຮັດ​ຕາມ​ກັນ ຊຶ່ງ​ວິ­ທີ​ການ​ນັ້ນ​ມີ​ທັງ​ໃນ​ຮູບ​ແບບ​ທີ່​ງ່າຍໆ ໄປ​ຈົນ​ເຖິງ​ຕ້ອງ​ໃຊ້​ຄວາມ​ຮູ້​ໃນ​ເລື່ອງ​ຂອງ​ການ​ອອກ​ຄຳ​ສັ່ງ​​ເລັກໆນ້ອຍໆ ວິ­ທີ​ການ​ຈະ​ເປັນ​ຢ່າງ­ໃດ​ດ້ວຍ​ນັ້ນ​ໄປ​ຕິດ­ຕາມ​ກັນ​ໄດ້​​ເລີຍ

ວິ­ທີ​ການ​ເພີ່ມ Virtual Memory ຜ່ານ​ທາງ Settings

• ເລີ່ມ​ຕົ້ນ​ທີ່​ວິ­ທີ​ການ​ງ່າຍໆ ກ່ອນ​ກັບ​ການ​​ຕັ້ງ​​ຄ່າ​ຜ່ານ​ທາງ Setting ໂດຍ​ສາ­ມາດ​ທີ່​ຈະ​ເຂົ້າ​ເຖິງ​ໜ້າ​​ຈໍ​ການ​ປັບ​​ຕັ້ງ​ຄ່າ​ໄດ້​ຕາມ​​ຂັ້ນ​ຕອນ​ດັ່ງ​ຕໍ່​ໄປ​ນີ້
• ເປີດ Settings ຂອງ Windows 10
• ເລືອກ​ໄປ​ທີ່ System
• ເລືອກ​ໄປ​ທີ່ About
• ສັງ­ເກດ​ທາງ​ດ້ານ​ຂວາ​ມື​ຂອງ​ໜ້າ​​ຈໍ About ຈະ​ມີ​ຫົວ­ຂໍ້​ຊື່­ວ່າ “Related settings” ໃຫ້​ເລືອກ​ໄປ​ທີ່​ຄຳ​ສັ່ງ System info

• ເມື່ອ​ຂຶ້ນ​ໜ້າ​ຕ່າງ System info ຂຶ້ນ​ມາ​ແລ້ວ​ນັ້ນ​ໃຫ້​ເລືອກ​ໄປ​ທີ່​ຕົວ​ເລືອກ “Advanced system settings” ຊຶ່ງ​ຈະ​ຢູ່​ທາງ​ດ້ານ​ຊ້າຍ

• ເມື່ອ​ມີ­ໜ້າ​ຕ່າງ​ໃໝ່​ເພີ່ມ​ຂຶ້ນ​ມາ​ແລ້ວ​ໃຫ້​ກົດ​ເລືອກ​ໄປ​ທີ່ tab Advanced

• ເທິງ​ຫົວ­ຂໍ້ “Performance” ໃຫ້​ກົດ​ທີ່​ປຸ່ມ​ຄຳ​ສັ່ງ Settings

• ເມື່ອ​ເຂົ້າ​ມາ​ທີ່​ໜ້າ​ຕ່າງ​ໃໝ່​ແລ້ວ​ນັ້ນ​ໃຫ້​ເລືອກ​ໄປ​ທີ່ Advanced tab ແລ້ວ​ກົງ​ຫົວ­ຂໍ້ “Virtual memory” ໃຫ້​​ຄ​ລິກ​ທີ່​ປຸ່ມ Change

• ເມື່ອ​ເຂົ້າ​ສູ່​ໜ້າ​ຕ່າງ “Virtual memory” ກ່ອນ​ອື່ນ​ໃຫ້​ເລືອກ​ເຄື່ອງ­ໝາຍ​ຖືກ​ທີ່ Automatically manage paging files size for all drives ອອກ​ແລ້ວຈະ​ສາ­ມາດ​ເຂົ້າ​ໄປ​​​ຕັ້ງ​ຄ່າ​ໄດ້ ໃຫ້​ເລືອກ​ໄປ​​ທີ່ Custom size ຊຶ່ງ​ເມື່ອ​ມາ​ເຖິງ​ກົງ​ຈຸດ​ນີ້​ນັ້ນ​ເຈົ້າ​ຈະ​ສາ­ມາດ​ກໍ່​ການ​ປັບ​ແຕ່ງ​ຄ່າ​ຂອງ “Virtual memory” ໄດ້​ແລ້ວ ໂດຍ​ຫຼັກ­ການ​ນັ້ນ​ຈະ​ມີ​ຢູ່​ວ່າ​ໃນ​ສ່ວນ​ຂອງ “Initial size” ນັ້ນ​ຄວນ​ຈະ​​ຕັ້ງ​ຄ່າ​ໃຫ້​ຢູ່​ທີ່ 3/2 ຂອງ​ຫນ່ວຍ​ຄວາມ​ຈຳ​ຫຼັກ​ຂອງ​ເຈົ້າ ສ່ວນ “Maximum size” ນັ້ນ​ຄວນ​ຈະ​ມີ­ຄ່າ​ເປັນ 3 ເທົ່າ​ຂອງ​ຫນ່ວຍ​ຄວາມ​ຈຳ​ຫຼັກ​ຂອງ​ເຈົ້າ
• ເມື່ອຕັ້ງ​ຄ່າ​ສຳ­ເລັດ​ສິ້ນ​ໃຫ້​ເລືອກ​ໄປ​ທີ່ Set ຕາມ​ມາ​ດ້ວຍ​ການ​ກົດ OK ອີກ 2 ຄັ້ງ ລະ­ບົບ​ຈະ​ໃຫ້​ເຈົ້າ​ບູດ​ເຄື່ອງ​ເພື່ອ​ທີ່​ຈະ​ກໍ່​ການ​ຈັດ­ການ​ດັ່ງ​​​ກ່າວ​ນີ້​ໃຫ້​ສົມ­ບູນ​ໃຫ້ຣີ​ບູດ​ເຄື່ອງ​ຖື​ວ່າ​ເປັນ​ອັນ​ສຳ­ເລັດ​ສິ້ນ

​​ໝາຍ­ເຫດ: ຖ້າ​ເຈົ້າ​ຢາກ​ຈະ​ກັບ​ໄປ​ໃຫ້​ຕົວ​ລະ­ບົບ​ປະ­ຕິ­ບັດ​ການ Windows 10 ​​ຕັ້ງ​ຄ່າ​ໃຫ້​ໂດຍ​ອັດ­ຕະໂນ­ມັດ​ອີກ​ເທື່ອ​ໃຫ້​ທ່ານ​ຕາມ​ວິ­ທີ​ການ​ເດີມ​ຈົນກວ່າ​ຈະ​ເຖິງ​ໜ້າ​​ຈໍ​ທີ່​ມີ​ຕົວ​ເລືອກ Automatically manage paging size for all drives ໃຫ້​​ເຊັກ​ເຄື່ອງ​ໝາຍ​ຖືກ ​ທີ່​ຫົວ­ຂໍ້​ນີ້​ແລ້ວ​​ຣີ​ບູດ​ເຄື່ອງ​ອີກຄັ້ງ ​ຖື​ວ່າ​ເປັນ​ອັນ​ສຳ­ເລັດ​ສິ້ນ

ວິ​​ທີ​ການ​ເພີ່ມ Virtual Memory ຜ່ານ​ທາງ Command Prompt

ສຳລັບ​ທ່ານ​ທີ່​ມີ​ຄວາມ​ຮູ້​ໃນ​ການ​ໃຊ້​ຄຳ​ສັ່ງ​ຜ່ານ​ທາງ Command Prompt ນັ້ນ ການ​​ຕັ້ງ​ຄ່າ “Virtual memory” ຈະ​ມີ​ວິ­ທີ​ການ​ດັ່ງ​ຕໍ່​ໄປ​ນີ້

• ເປີດ Start ຂຶ້ນ​ມາ
• ຄົ້ນ​ຫາ​ດ້ວຍ​ຄຳ​ວ່າ Command Prompt ຫລື cmd ແລ້ວ​​ຄລິກ​ຂວາ​ເລືອກ​ໄປ​ທີ່ Run as administrator
• ​​ເມື່ອ​ໜ້າ​ຕ່າງ Command Prompt ຂຶ້ນ​ມາ​ແລ້ວ​ນັ້ນ​ໃຫ້​ພິມ​ຄຳ​ສັ່ງ​ດັ່ງ​ຕໍ່​ໄປ​ນີ້ wmic pagefile list /format:list ແລ້ວ​ກົດ Enter

• ຕົວ​ຄຳ​ສັ່ງ​ຈະ​ກໍ່​ການ​ແຈ້ງ​ຂໍ້​ມູນ​ຂອງ “Virtual memory” ທີ່​ເຄື່ອງ​ຂອງ​ເຈົ້າ​​ຕັ້ງ​ຄ່າ​ຢູ່ ເວ­ລາ​ນັ້ນ
• ​​ຈາກ​ນັ້ນ​ຈະ​ຕ້ອງ​ພິມ​ຄຳ​ສັ່ງ​ເພື່ອ​ທີ່​ຈະ​ໃຫ້​ຕົວ​ລະ­ບົບ​ປະ­ຕິ­ບັດ​ການ Windows 10 ເລີກ​ເຮັດ​ການ​​ຕັ້ງ​ຄ່າ​ດ້ວຍ​ຕົວ​ເອງ​ກ່ອນ ໂດຍ​ຄຳ​ສັ່ງ​ນັ້ນ​ຈະ​ມີ​ດັ່ງ​ຕໍ່​ໄປ​ນີ້ wmic computersystem where name=”%computername%” set AutomaticManagedPagefile=false ຈາກ​ນັ້ນ​ກົດ Enter

• ເມື່ອ​ກໍ່​ການ​ປິດ​ການ​​ຕັ້ງ​ຄ່າ “Virtual memory” ອັດ­ຕະ­ໂນ­ມັດ​ໄປ​ແລ້ວ​ນັ້ນ​ຈະ​ໃຊ້​ຄຳ​ສັ່ງ​ດັ່ງ​ຕໍ່​ໄປ​ນີ້​ເພື່ອ​ເຮັດ​ການ​​ຕັ້ງ​ຄ່າ wmic pagefileset where name=”C:\\pagefile.sys” set InitialSize=YOUR-INIT- SIZE,MaximumSize=YOUR-MAX-SIZE ໂດຍ​ທີ່ YOUR-INIT- SIZE ນັ້ນ​ຄື​ຄ່າ​ເລີ່ມ​ຕົ້ນ​ສຳ­ລັບ​ການ​ຈອງ​ພື້ນ​ທີ່​ເປັນ “Virtual memory” ແລະ YOUR-MAX-SIZE ນັ້ນ​ຄື​ຄ່າ​ສູງ​ສຸດ​ສຳ­ລັບ​ການ​ຈອງ​ພື້ນ​ທີ່​ເປັນ “Virtual memory” ຕົວ­ຢ່າງ​ເຊັ່ນ wmic pagefileset where name=”C:\\pagefile.sys” set InitialSize=9216,MaximumSize=12288 ເປັນ­ຕົ້ນ(ຫນ່ວຍ​ຂອງ YOUR-INIT- SIZE ແລະ YOUR-MAX-SIZE ຈະ​ເປັນ megabytes

• ໃນ​ການຕັ້ງ​ຄ່າ​ຜ່ານ​ທາງ Command Prompt ນີ້​ນັ້ນ​ຈະ​ບໍ່​ມີ​ການ​ແຈ້ງ​ເຕືອນ​ໃຫ້​ເຈົ້າ​​ຣີ​ບູດ​ເຄື່ອງ​ດັ່ງ­ນັ້ນ​ແລ້ວ​ຕ້ອງ​​​ຣີ​ບູດ​ເຄື່ອງ​ເອງ​ໂດຍ​ສາ­ມາດ​​ຣີ​ບູດ​ໄດ້​ຕາມ​ປົກ­ກະ­ຕິ​ ຫລື ​ຈະ​ໃຊ້​ຄຳ​ສັ່ງ shutdown -r -t 00 ໃນໜ້າ​​ຈໍ Command Prompt ກໍ​ໄດ້​ເຊັ່ນ​ດຽວ​ກັນ

ໝາຍ­ເຫດ: ຫາກ​ເຈົ້າ​ຕ້ອງ­ການ​ໃຫ້ Windows 10 ​​ຕັ້ງ​ຄ່າ​ເອງ​ໂດຍ​ອັດ­ຕະ­ໂນ­ມັດ​ນັ້ນສາ­ມາດ​ທີ່​ຈະ​ເປີດ​ໃຫ້ Windows 10 ກໍ່​ການ​ເຊັດ​ຄ່າ​ອັດ­ຕະ­ໂນ­ມັດ​ໄດ້​ດ້ວຍ​ການ​ໃຊ້​ຄຳ​ສັ່ງ computersystem where name=”%computername%” set AutomaticManagedPagefile=true ແລ້ວ​ກົດ Enter ຈາກ​ນັ້ນ​ໃຫ້​ກໍ່​ການ​​ຣີ​ບູດ​ເຄື່ອງ

ຂໍ້​ດີຂໍ້​ເສຍ

ໃນ​ການ​​ຕັ້ງ​ຄ່າ “Virtual memory” ເອງ​ນັ້ນ​ເຈົ້າ​ຈະ​ພົບ​ໄດ້​ວ່າ​ເມື່ອ​ໃຊ້​ງານ​ແລ້ວ​ນັ້ນ​ລະ­ບົບ​ປະ­ຕິ­ບັດ​ການ​ຈະ​ມີ​ຄວາມ​ສະ​ຖຽນຫຼາຍ​ຂຶ້ນ​ກວ່າ​ເດີມ ບັນ­ຫາ​ເລື່ອງ​ໜ້າ​​ຈໍ BSOD ທີ່​ມາ​ຈາກ page_file_errors ຫາຍ​ໄປ ແລະ​ການ​ໃຊ້​ງານ​ໂດຍ​ທັງ​ຫມົດ​ນັ້ນ​ຈະ​ລື່ນ​ໄຫຼ​ຫລາຍ​ຂຶ້ນ(ຂຶ້ນ​ຢູ່​ກັບ​ແຫຼ່ງ​ເກັບ​ຂໍ້​ມູນ​ຂອງ Drive C: ວ່າ​ເປັນ HDD ຫລື SSD ຢ່າງ­ໃດ​ກໍ​ຕາມ​ແຕ່​ແລ້ວ​ວິ­ທີ​ການ​ດັ່ງ​​ກ່າວ​ນີ້​ກໍ​ຢັງ​ຄົງ​ມີ​ຂໍ້​ເສຍ​ຢູ່​ດ້ວຍ​ຊຶ່ງ​ນັ້ນ​ກໍ​ຄື​ພື້ນ​ທີ່​ໃນ​ແຫຼ່ງ​ເກັບ​ຂໍ້​ມູນ​ຂອງ Drive C: ຂອງ​ເຈົ້າ​ນັ້ນ​ຈະ​ລຸ​​ດ​ລົງ​ໄປ​ຈາກ​ເດີມ ດັ່ງ­ນັ້ນ​ແລ້ວ​ກໍ​ຄົງ​ຕ້ອງ​ເລືອກ​ເອົາ​ວ່າ​ຈະ​ປັບ​ໃຫ້​ມີ​ຂະ­ໜາດ​ຢູ່​ທີ່​ເທົ່າ­ໃດ

ອີກຢ່າງ​ໜຶ່ງ​ທີ່​ຢາກ​ຈະ​ເນັ້ນ​ກໍ​ຄື ​ເຖິງ​ແມ່ນ​ວ່າ​ເຄື່ອງ​ຄອມ​​ພິວ​ເຕີ​ຂອງ​ເຈົ້າ​ມີ​ຫນ່ວຍ​ຄວາມ​ຈຳ​ຫຼັກ (RAM) ຫລາຍ​ຢູ່​ແລ້ວ​ເຊັ່ນ 16 GB ຫລື 32 GB ​​ທ​ວ່າ​ໃນ​ການ​ໃຊ້​ງານ​ນັ້ນ ກໍ​ບໍ່​ຄວນ​ທີ່​ຈະ​ເປີດ​ການ​ເຮັດ​ວຽກ​ງານ “Virtual memory” ເພາະ​ນັ້ນ​ອາດ​ຈະ​ເຮັດ​ໃຫ້ Windows 10 ຂອງ​ເຈົ້າ​ເກີດ​ອາ­ການ​ບໍ່​ສະ​ຖຽນຂຶ້ນ​ມາ​ໄດ້ ຢ່າງ­ໃດ​ແລ້ວ​ນັ້ນ​ກໍ​ລອງ​ເຮັດ​ການ​​ຕັ້ງ​ຄ່າ​ເບິ່ງ​ຕາມ​ທີ່ຕ້ອງ­ການ​​

ຂໍ້ມູນຈາກ: https://notebookspec.com/