ວິທີທຳຄວາມສະອາດ ກຳຈັດໄຟລ໌ຂີ້ເຫຍື້ອລະບົບ ເພື່ອການໃຊ້ງານຄອມທີ່ໄວຂື້ນ ໂດຍບໍ່ຕ້ອງໃຊ້ໂປຣແກຣມເສີມ

ຜູ້​ທີ່​ໃຊ້ Windows ຫຼາຍ​ທ່ານ ອາດ​​ເ​ຄີຍ​ພົບ​ບັນ­ຫາ​ເມື່ອ​ໃຊ້​ໄປ​ດົນໆ ​​​ພົບ​ວ່າ​ເຄື່ອງ​ອືດ ຊ້າ ແຕ່​ຫຼາຍ​ທ່ານ​ບໍ່​ຮູ້​ວ່າ​ເວ­ລາ​ໃຊ້​ງານ​ຈະ​ມີ​ການ​ເກັບ​ຂໍ້​ມູນ​ໄວ້​ໃນ Tempory File ຊຶ່ງ​ພໍ​ດົນໆ​ໄປກໍ​ຈະ​ສະ​ສົມ​ກິນ​ພື້ນ​ທີ່​ເຮັດ​ໃຫ້​ອືດ ດັ່ງ­ນັ້ນ​ມາ​ເບິ່ງ​ວິ­ທີ​ກຳ­ຈັດ​ໄຟ​ລ໌​ຂີ້​ເຫຍື້ອ​ລະ​ບົບ ໂດຍ​ບໍ່​ຕ້ອງ​ໃຊ້​ໂປ​​ຣ​ແກ​​ຣມ​ເສີມ​ໃດໆ ບໍ່​ມີ​ຄວາມ​ສ່ຽງ​ທີ່​ຈະ​ເກີດ​ບັນ­ຫາ​ດ້ວຍ

ວິທີ​ການ​​ເຄຼຍ Temporary ດ້ວຍເມນູ Setting

• ໄປທີ່ເມນູ Start > Setting

• ຄລິກ System

• ຄລິກ Storage

• ຈາກນັ້ນໄປຄລິກທີ່ Temporary files

• ລໍມັນສະແກນຈັກໜ່ອຍ

• ໃນຂັ້ນຕອນນິ້ ໃຫ້ຕິກເຄື່ອງໝາຍຖືກຢູ່ບອກສີ່ຫຼ່ຽມທາງໜ້າຂອງຫົວຂໍ້ທີ່ຕ້ອງການທຳຄວາມສາອາດ (ຖ້າອັບເດດເຄື່ອງໃໝ່ ໃຫ້ຕິກລາຍການທີ່ກ່ຽບກັບການອັບເດດອິກ) ຈາກນັ້ນ ກົດປຸ່ມ Remove files

• ລໍຈົນສຳເລັດ

ວິທີ​ການ​​ເຄຼຍ Temporary ດ້ວຍຄຳສັ່ງ %temp%

• ​ຄ​ລິ​​ກ Start ແລ້ວ​ພິມ %temp% ແລ້ວ​ກົດ​ເຂົ້າໄປ

• ຈາກ​ນັ້ນ​​ຄ​ລິ​​ກ​ທີ່ Select all

• ຈາກ​ນັ້ນ​ກໍ່​ການ​ລົບ​ໄຟ​​ລ໌​ທັງ​ໝົດ​ໂດຍ​ການ​ກົດ Delete ທີ່​ຄີ​​​ບອດ ​ແລະ ​ກົດ Yes

• ແຕ່​ວ່າ​ຈະ​ມີ​ບາງ​ໄຟ​​ລ໌​ຈະ​ບໍ່​ສາ­ມາດ​ລົບ​ໄດ້​ເພ​​າະ​ລະ­ບົບ​ຢັງ​ໃຊ້​ງານ​ຢູ່​ໃຫ້​​ຕິ໊ກ​ທີ່ “Do this for all current items” ຈາກ​ນັ້ນ​ກົດ Skip

ເຄຼຍTemp ແລ້ວ​ຢ່າ​ລືມ “Disk Cleanup” ນຳ

• ​​ຄ​ລິ​​ກ​ຂວາ​ທີ່ Drive C ຫລື Drive ທີ່​ຕິດ​​ຕັ້ງ Windows ຢູ່ ຈາກ​ນັ້ນ​​ຄ​ລິ​​ກ​ໄປ​ທີ່ Properties
• ແລ້ວ​​ຄ​ລິ​​ກ Disk Cleanup

• ລໍ​ຈັກ​ໜ່ອຍ ຈາກ​ນັ້ນ​ໃຫ້​​ຄ​ລິ​​ກ​ທີ່ “Clean up system files” ຈາກ​ນັ້ນ​ຈະ​ພົບ​ດັ່ງ​ພາບ​ຂວາ​ມື ໃຫ້​​ຕິ໊ກ​ທັງ​ໝົດ​ເລີຍ (ແຕ່​​​ລະ​ວັງ​ໃນ​ສ່ວນ​ຂອງ Downloads ຊຶ່ງ​ຈະ​ມີ​ເພີ່ມ​ຂຶ້ນ​ມາ​ໃນ Windows 10 1809 ຂຶ້ນ​ໄປ ເພ​​າະ​ວ່າ​ໄຟ​​ລ໌​ໃນ​​ໂຟລ໌​ເດີ Downloads ຂອງ​ທ່ານ​ຈະ​ຫາຍ ຄວນ​ໝັ່ນ​ໃຈ​ກ່ອນ​ວ່າ​ບໍ່​ມີ​ຫຍັງ​ສຳ­ຄັນ​ແທ້ໆ ​ຈຶ່ງ​ຄ່ອຍ​​ຄ​ລິ​​ກ)

• ຫາກ​ມີ​ການ​ຖາມ​ແບບ​ນີ້​ໃຫ້​ກົດ Yes

• ຈາກ​ນັ້ນ​​ລໍ​ການເຮັດ​ຄວາມ​ສະ­ອາດ​ຈົນ​ສຳ­ເລັດ

ພຽງ​ເທົ່າ​ນີ້​ ກໍ​ຊ່ວຍ​ໃຫ້​ເຄື່ອງ​ເຮັດ​ວຽກໄວ​ຂື້ນ ​ໂດຍ​ບໍ່​ຕ້ອງ​ພຶ່ງ​ໂປ​​ຣ​ແກ​​ຣມ​ເສີມ ແລະ ຂໍ​ແນະ­ນຳ​ໃຫ້​ທຸກ​ທ່ານ ເຮັດ​ແບບ​ນີ້​ຕັ້ງ­ແຕ່​ຫຼັງ​ລົງ Windows ແລະ​ ໂປ​​ຣ​ແກ​​ຣມ​ຕ່າງໆ ລວມ​ເຖີງ​ເຮັດ​ເລື້ອຍໆ ຕະ­ຫລອດ​ການ​ໃຊ້​ງານ​ຄອມ ຄວນ​ເຮັດ​ທຸກ​ມື້​ຫລື​ທຸກ​ອາ­ທິດ​ຈະ​​ຢິ່ງ​ດີ​ ຫລື​ ຢ່າງ​ຊ້າ​ສຸດ​ກໍ​ທຸກ​ເດືອນ ຫລື ​ເດືອນ​ລະ​ສອງ​​​ສາມ​ເທື່ອ​ກໍ​ຢັງ​ດີ

ວິດີໂອ