ການບັນທືກໄຟລ໌ ໃນ Photoshop CS6

       ເມື່ອ​​ສ້າງ​ຮູບ​ພາບ​​ ຫຼື ​ຈັດ­ການ​ໃດໆກ່ຽວ​ກັບ​ຮູບ​ພາບ​ແລ້ວ ສິ່ງ​ທີ່​ຈຳ­ເປັນ​ຕໍ່​ໄປ​ກໍ​​ຄືການ​​ບັບ​ທືກ​ໄຟ​​ລ໌ (Save) ເຮົາ​ສາ­ມາດ​ເລືອກ​ບັນ­ທືກ​ໄຟ​​ລ໌​ໄດ້​ຫຼາກ​ຫຼາຍ​ຮູບ​ແບບ ເ​ຊັ່ນ PSD, TIFF, JPG, GIF ຫຼື BMP ເປັນ­ຕົ້ນ ​​ເພຶ່ອ​ນຳ­ໄປ​ໃຊ້​ງານ​ໃນງານ​ຕໍ່​ໄປ ຊຶ່ງມີຂັ້ນຕອນດັ່ງ​ຕໍ່​ໄປ​ນີ້

1) ເມື່ອ​ສ້າງ​ຮູບ​ພາບ​​ ຫຼືຈັດ​ການ​​ແ​ກ້ໄຂ​​ສຳ​ເລັດ​ແລ້ວ ​​ເ​​ລືອກ​ຄຳ​ສັ່ງ File > Save As
2) ໃນ​ຊ່ອງ Save on ເລືອກ​ໄດ​​ຣ໌ຟ/​​ໂຟ​ເດີ​​ ທີ່​ຕ້ອງ­ການ​ຈັດ​ເກັບ​ຮູບ
3) ​​ຕັ້ງ​ຊື່​ໄຟ​​ລ໌​ງານ​ໃນ​ຊ່ອງ File name
4) ໃນ​ຊ່ອງ Format ເລືອກ​​ຊະນິດ​ຂອງ​ໄຟ​​ລ໌​ຮູບ​ພາບ ວ່າ​ຈະ​ບັນ­ທຶກ​ເປັນ​​​ສະກຸນ​ໃດ
5) ໃນ​ສ່ວນ​ຂອງ Save Options ນັ້ນ​ຈະ​ເປັນ​ທີ່​ບັນ​ທືກ​ຄຸນ­ສົມ­ບັດ​ພິ­ເສດ​ຂອງ​ໄຟ​​ລ໌
6) ​​ຄ​ລິ​​ກ ປຸ່ມ Save

       ໃນ​ການ​ບັນ­ທືກ​ຮູບ​ພາບ​ເຮົາ​ຄວນ​ຈະ​ບັນ​ທືກ​ຮູບ​ພາບ​ໃນ​ແບບ PSD ຂອງ Photoshop ໄວ້​ທຸກຄັ້ງ​​​ ເພ​​າະ​ຈະ​ຊ່ວຍ​ໃຫ້​ເຮົາ​ສາ​ມາດ​​ກັບ​ມາ​ແກ້​ໄຂ​ໄດ້​​ອິກ ​​​ເຮັດ​ໃຫ້​ສະ­ດວກ​ ແລະ​ວ່ອງ­ໄວ​ໂດຍ​ບໍ່​ຕ້ອງ​​ກັບ​ມາ​​ເ​ລີ່ມ​ເຮັດ​ໃໝ່ ການ​ບັນທຶກ​ໄຟ​​ລ໌​ຊະນິດ​ນີ້​ຈະ​ມີ​ການ​ເກັບ​​ລໍາ​ດັບ​​ຂັ້ນ​ຕອນ​ການເຮັດ​ວຽກ​ໄວ້​ຢ່າງ​ຄົບ​ຖ້ວນ ທັງ​ຫມົດ​ທັງ​ການ​ຈັດ­ການ​ວາງ​​ຊ້ອ​ນຂອງ​ທຸກ​ອົງ​​​ປະ​ກອບທີ່​​ເອີ້ນວ່າ ເລ​ເຢີ​​ (Layer) ໃນ​ຂະນະ​​ທີ່ການ​ບັນ​ທືກ​ໄຟ​​ລ໌​ຊະ­ນິດ​​ອຶ່ນໆ ບໍ່​ສາ­ມາ​ເກັບ​ລາຍ​ລະອຽດ​ເຫຼົ່າ​ນີ້​ໄວ້​ໄດ້​ອີກ​​ທັງ​ເລ​ເຢີ​​​ທັງໝົດ​ກໍ​ຈະ​ຖືກ​ຢຸບ​​ລວມ​ກັນ​ເປັນ​ເລ​ເຢີ​​​ດຽວ ເຮັດ​ໃຫ້​ບໍ່​ສາ​ມາດ​​​ກັບ​ມາ​ແກ້​ໄຂ​ການ​​​ເຮັດ​ວຽກ​ໄ​ດ້

ຄຳ​ສັ່ງ​ໃນ Save Option
- As a Copy ບັນ­ທືກ​​ເ​ປັນ​ໄຟ​​ລ໌​ສຳ​ເນົາ​ໂດຍ​​ຄື​ໄຟ​​ລ໌​ຂະ­ນະ​ນັ້ນ​ທຸກ​​ປະ​ການ​ໂດຍ​ຈະ​ມີ​ຄຳ​ວ່າ Copy ຕໍ່​ທ້າຍ​ໄວ້​ສະ­ເໝີ
- Alpha Channels ໃຊ້​ບັນ­ທຶກ Channel ຂອງ​ຮູບ​ພາບ
- Layers ໃຊ້​ບັນ​ທືກ​ເລ​ເຢີ​​​ ຫຼືລຳ­ດັບ​ການ​​ເຮັດ​ວຽກ
- Notes ໃຊ້​ບັນ​ທືກ​ໝາຍ­ເຫດ
- Spot Colors ໃຊ້​ບັນ​ທືກ​ສີ​​ພິ​ເສດ
- Thumbnail ໃຊ້​ບັນ​ທືກ​ພາບ​​​ຕົວ​ຢ່າງ​ຂະ­ໜາດ​ນ້ອຍ​ເພື່ອ​ສະ­ແດງ​​​ຕົວ​ຢ່າງ​ໄຟ​​ລ໌​ເປັນ​ພາບ
- Use Lower Case Extension ໃຊ້​ບັນ​ທືກ​​ສະ​ກຸນ​ໄຟ​​ລ໌​ແບບ​​​ຕົວ​ອັກ­ສອນພີມ​ນ້ອຍ