Google ແຈ້ງກ່ຽວກັບການປ່ຽນແປງພື້ນທີ່ເກັບຂໍ້ມູນຂອງ Google Photos

ເປິ​​ດຕົວ Google Photos ມາ​ດົນ​ກວ່າ 5 ປີ​ແລ້ວ ແລະ​ ຕັ້ງ­ແຕ່​ນັ້ນ​ເປັນ­ຕົ້ນ​ມາ ຜະ­ລິດ​ຕະ​ພັນ​ນີ້​ກໍ​ພັດ­ທະ­ນາ​ເປັນ​ຫລາຍ​ກວ່າ​​ແອບ​ທີ່​ຊ່ວຍ​ຈັດ­ການ​ຮູບ​ພາບ​ຂອງ​ເຈົ້າ ໂດຍ​​ກ​າຍ​ເປັນ​ທີ່​ທີ່​ໃຫ້​ເຈົ້າ​ເຂົ້າ​ໄປ​ຊົມ​ໄດ້​ເມື່ອ​ຄິດ​ເຖິງ​ຄວາມ​ຊົງ​ຈຳ​ເກົ່າໆ ແລະ​ ຢາກ​​ຢ້ອນ​ເຖິງ​ຄວາມ​ຫຼັງ ປະ­ຈຸ​ບັນ Google Photos ຈັດ​ເກັບ​ຮູບ​ພາບ​ແລະ​ວິ​ດີ​ໂອ​ຫລາຍ​ກວ່າ 4 ລ້ານ​ລ້ານ​​ລາຍ​ການ ຊຶ່ງ​​ລວມ​ເຖິງ​ຮູບ​ພາບ ​ແລະ ​ວິ​ດີ​ໂອ​ຂອງ​ເຈົ້າ ລວມ​ທັງ​ຍັງ​ມີ​ການ​ອັບ​ໂຫຼ​​ດ​ຮູບ​ພາບ​ ແລະ ​ວິ​ດີ​ໂອ​ໃໝ່ໆ ທີ່​ໜ້າ​ສົນ­ໃຈ​ເຖິງ 2.8 ໝື່ນ​ລ້ານ​​ລາຍ​ການ​ທຸກ​ອາ­ທິດ ດັ່ງ­ນັ້ນ​ເຮົາ​ຈຶ່ງ​ຂໍ​​ປະ​ກາດ​ເລື່ອງ​ການ​ປ່ຽນ​ແປ​​ງ​ນະໂຍບາຍ​ພື້ນ​ທີ່​ຈັດ​ເກັບ​ຂໍ້​ມູນ ເພື່ອ​ທີ່​ຈະ​ຈັດ​ເກັບ​ຄວາມ​ຊົງ​ຈຳ​ໄດ້​ຫລາຍ​ຂຶ້ນ ​ແລະ ​ພັດ­ທະ­ນາ Google Photos ສຳ­ລັບ​ອະ­ນາ­ຄົດ

• ຕັ້ງ­ແຕ່​ວັນ​ທີ 1 ມິ​​ຖຸ​ນາ 2021 ເປັນ­ຕົ້ນ​ໄປ ເຮົາ​ຈະ​ນັບລວມ​ຮູບ​ພາບ ​ແລະ ​ວິ​ດີ​ໂອ​ໃໝ່​ທັງ​ໝົດ​ທີ່​ສຳ­ຮອງ​ຂໍ້​ມູນ​ແບບ ຄຸນ​ນະ​ພາບ​ສູງ​ໄວ້​ໃນ​ພື້ນ​ທີ່​ເກັບ​ຂໍ້​ມູນ​​ຟຣີ​ຂະ­ໜາດ 15 GB ຊຶ່ງ​ມາ​​ພ້ອມບັນ​ຊີ Google ຂອງ​ເຈົ້າ ຫລື​ພື້ນ​ທີ່​ເກັບ​ຂໍ້​ມູນ​ອື່ນໆ ທີ່​ເຈົ້າ​ອາດ​ຊື້​ໄວ້ ເຊັ່ນ​ດຽວ​ກັບ​ບໍ­ລິ­ການ​ອື່ນໆ ຂອງ Google ເຊັ່ນ Google ໄດ​​ຣຟ໌ ​ແລະ Gmail
• ຮູບ​ພາບ​ແລະ​ວິ​ດີ​ໂອ​ທັງ​ໝົດ​ທີ່​ເຈົ້າ​ສຳ­ຮອງ​ຂໍ້​ມູນ​ແບບ​ຄຸນ​ນະ​ພາບ​ສູງ​ກ່ອນ​ວັນ​ທີ 1 ມິ​​ຖຸ​ນາ 2021 ຈະ​ໄດ້​ຮັບ​ການ​ຢົກ​ເວັ້ນ​ຈາກ​ການ​ປ່ຽນ​ແປ​​ງ​ນີ້​ ແລະ​ ຈະ​ບໍ່​ນັບ​ລວມ​ໃນ​ພື້ນ​ທີ່​ເກັບ​ຂໍ້​ມູນ​ຂອງ​​ບັນ​ຊີ Google ໂດຍ​ຈະ​​ລວມເຖິງ​ເນື້ອ​ຫາ​ໃນ​ປະ­ຈຸ​ບັນ​ທັງ​ໝົດ​ທີ່​ເຈົ້າ​ອັບ​ໂຫຼ​​ດ​ແບບ​ຄຸນ​ນະ​ພາບ​ສູງ

ເຮົາ​ພິ­ຈາ­ລະ­ນາ​ການ​ຕັດ­ສິນ​ໃຈ​ນີ້​ຢ່າງ​ຖີ່​ຖ້ວນ ​ແລະ ​ຍອມ­ຮັບ​ວ່າ​ເປັນ​ການ​ປ່ຽນ​ແປ​​ງ​ຄັ້ງໃຫຍ່ ດັ່ງ­ນັ້ນ​ເຮົາ​ຈຶ່ງ​ຂໍ​ແຈ້ງ​ໃຫ້​ເຈົ້າ​​ຊາບລ່ວງ​ໜ້າ ​​​ພ້ອມ​ມອບ​ແຫຼ່ງ​ຂໍ້​ມູນ​ຕ່າງໆ ທີ່​ຈະ​ຊ່ວຍ​ໃຫ້​ເຈົ້າ​ຕຽມ​ຄວາມ​ພ້ອມ​ສຳ­ລັບ​ການ​ປ່ຽນ​ແປ​​ງ​ນີ້​​ໄດ້

ຕ້ອງ​ດຳ­ເນີນ​ການ​ຫຍັງ​ໃນ​ທັນ­ທີ​​ບໍ

ບໍ່ ເຈົ້າ​ຈະ​ໃຊ້ Google Photos ເພື່ອ​ສຳ­ຮອງ​ຂໍ້​ມູນ​ຮູບ​ພາບ​ ແລະ ​ວິ​ດີ​ໂອ​ຕໍ່​ໄປ​ໄດ້ ຫຼັງ​ຈາກ​ວັນ​ທີ 1 ມິ​​ຖຸ​ນາ 2021 ເຮົາ​ຈະ​ຕິດ­ຕໍ່​ເຈົ້າ​ອີກ​ເທື່ອ​ແລະ​ສົ່ງ​ການ​ຊ່ວຍ​ເຕືອນ​ເມື່ອ​ພື້ນ​ທີ່​ເກັບ​ຂໍ້​ມູນ​ຂອງ​ເຈົ້າ​ໃກ້​ຈະ​ເຕັມ ລູກ​ຄ້າ​ສ່ວນ​ໃຫຍ່​ຈະ​ໃຊ້​ງານ​ຕໍ່​ໄປ​ໄດ້​ດົນ​ເປັນ​ປີ​ກ່ອນ​ທີ່​ຈະ​ຕ້ອງ​ດຳ­ເນີນ​ການ​ໃດໆ

ຈະ​ໃຊ້​ພື້ນ​ທີ່​ເກັບ​ຂໍ້​ມູນ​​ຟຣີ​ຂະ­ໜາດ 15 GB ໝົດ​ເມື່ອ​ໃດ

ເຮົາ​ໄດ້​ສ້າງ ຄ່າ​​ປະ​ມານ​ຂອງ​ຜູ້​ໃຊ້​ແຕ່­ລະ­ຄົນ​ຊຶ່ງ​ສະ­ແດງ​​ລະ​ໄຍເວ­ລາ​ທີ່​ເຈົ້າ​ຈະ​ໃຊ້​ໂຄ​​ຕ້າ​ພື້ນ​ທີ່​ເກັບ​ຂໍ້​ມູນ​ໝົດ ຄ່າ​​ປະ​ມານ​ນີ້​ຈະ​ຄິດ­ໄລ່​ຈາກ​ຄວາມ​ຖີ່​ທີ່​ເຈົ້າ​ສຳ­ຮອງ​ຂໍ້​ມູນ​ຮູບ​ພາບ ວິ​ດີ​ໂອ ແລະ ເນື້ອ​ຫາ​ອື່ນໆ ໄປ​ຢັງ​​ບັນ​ຊີ Google

ຈະ​ຈັດ­ການ​ພື້ນ​ທີ່​ເກັບ​ຂໍ້​ມູນ​ໄດ້​ຢ່າງ­ໃດ

ໃນ​ວັນ​ທີ 1 ມິ​​ຖຸ​ນາ 2021 ເຮົາ​ຈະ​ເປີດ​​ຕົວ​ເຄື່ອງ­ມື​ຈັດ­ການ​ພື້ນ​ທີ່​ເກັບ​ຂໍ້​ມູນ​ແບບ​ໃໝ່ ຊຶ່ງ​ຈະ​ຊ່ວຍ​ໃຫ້​ເຈົ້າ​ຄົ້ນ​ຫາ​ແລະ ​ລົບ​ເນື້ອຫາ​ທີ່​ມືດ ເ​ບຼີ ແລະ ​ທີ່​ເຈົ້າ​ບໍ່​ຕ້ອງ­ການ​ໄດ້​ງ່າຍໆ ເຈົ້າ​ຢັງ​ຊື້​ພື້ນ​ທີ່​ເກັບ​ຂໍ້​ມູນ​​ເພິ່ມ​ເຕິ​​ມ​ໄດ້​ເມື່ອ​ສະ­ໝັກ​ໃຊ້​ບໍ­ລິ­ການ Google One (ຫາກ​ມີ​ໃຫ້​ບໍ­ລິ­ການ)