ມາຮອດປີ ພ.ສ. 2376 ນັກຄະນິດສາດຊາວອັງກິດ ຊື່ ຊາຣ໌ລ ແບບເບຈ (Charles Babbage) ໄດ້ປະດິດເຄື່ອງວິເຄາະ (Analytical Engine) ສາມາດຄິດໄລ່ຄ່າຂອງຕຣີໂກນມິຕິ ຟັງຊັນຕ່າງໆ ທາງຄະນິດສາດ ການເຮັດວຽກງານຂອງເຄື່ອງນີ້ແບ່ງເປັນ 3 ສ່ວນ ຄື ສ່ວນເກັບຂໍ້ມູນ ສ່ວນຄິດໄລ່ ແລະ ສ່ວນຄວບຄຸມ ໃຊ້ລະບົບພະລັງເຄື່ອງອາຍນ້ຳໝຸນແຂ້ວເຟືອງ ມີຂໍ້ມູນຢູ່ໃນບັດ ເຈາະຮູ ຄິດໄລ່ໄດ້ໂດຍອັດຕະໂນມັດ ແລະ ເກັບຂໍ້ມູນໃນໜ່ວຍຄວາມຈຳ ກ່ອນຈະພິມອອກມາທາງເຈ້ຍ
ຫຼັງຈາກນັ້ນເປັນຕົ້ນມາ ໄດ້ມີຜູ້ປະດິດເຄື່ອງຄອມພິວເຕີຂຶ້ນມາຢ່າງຫຼວງຫຼາຍ ເຮັດໃຫ້ເປັນການເລີ່ມຍຸກຂອງຄອມພິວເຕີຢ່າງແທ້ຈິງ ໂດຍສາມາດຈັດແບ່ງຄອມພິວເຕີອອກໄດ້ເປັນ 5 ຍຸກ
ຍຸກທີ່ 1 (ພ.ສ. 2489-2501) "ຍຸກຫຼອດສຸນຍາກາດ"
ເປັນການປະດິດເຄື່ອງຄອມພິວເຕີທີ່ບໍ່ແມ່ນເຄື່ອງຄິດໄລ່ ໂດຍເມົາຊ໌ລີ ແລະ ເອັກເຄີດທ໌ (Mauchly and Eckert) ໄດ້ນຳແນວຄວາມຄິດນັ້ນມາປະດິດເປັນເຄື່ອງຄອມພິວເຕີທີ່ມີປະສິດທິພາບຫຼາຍ ເຄື່ອງໜຶ່ງເອີ້ນວ່າ ENIAC (Electronic Numericial Integrator and Calculator) ຊຶ່ງຕໍ່ມາໄດ້ກໍ່ການປັບປຸງການເຮັດວຽກງານຂອງເຄື່ອງຄອມພິວເຕີໃຫ້ມີປະສິດທິພາບດີຢິ່ງຂຶ້ນ ແລະ ໄດ້ປະດິດເຄື່ອງ UNIVAC (Universal Automatic Computer) ຂຶ້ນເພື່ອໃຊ້ໃນການສຳຫຼວດສຳມະໂນປະຊາກອນປະຈຳປີ
ຈຶ່ງນັບໄດ້ວ່າ UNIVAC ເປັນເຄື່ອງຄອມພິວເຕີເຄື່ອງທຳອິດຂອງໂລກທີ່ ຖືກໃຊ້ງານໃນເຊີງທຸລະກິດ ຊຶ່ງນັບເປັນການເລີ່ມຂອງເຄື່ອງຄອມພິວເຕີໃນຍຸກທຳອິດຢ່າງແທ້ຈິງ ເຄື່ອງຄອມພິວເຕີໃນຍຸກນີ້ໃຊ້ຫຼອດສຸນຍາກາດໃນການຄວບຄຸມການເຮັດວຽກງານຂອງເຄື່ອງ ຊຶ່ງເຮັດວຽກໄດ້ຢ່າງວ່ອງໄວ ແຕ່ມີຂະໜາດໃຫຍ່ຫຼາຍ ແລະ ລາຄາແພງ ຍຸກທຳອິດຂອງຄອມພິວເຕີສີ້ນສຸດເມື່ອມີຜູ້ປະດິດທຣານຊິດເຕີມາໃຊ້ແທນຫຼອດສູນຍາກາດ
ລັກສະນະສະເພາະຂອງເຄື່ອງຄອມພິວເຕີຍຸກທີ່ 1
- ໃຊ້ອຸປະກອນ ຫຼອດສຸຍຍາກາດ (Vacuum Tube) ເປັນສ່ວນປະກອບຫຼັກ ເຮັດໃຫ້ຕົວເຄື່ອງມີຂະໜາດໃຫຍ່ ໃຊ້ພະລັງງານໄຟຟ້າຫລາຍ ແລະເກີດຄວາມຮ້ອນສູງ
- ເຮັດວຽກດ້ວຍພາສາເຄື່ອງ (Machine Language) ເທົ່ານັ້ນ
- ເລີ່ມມີການພັດທະນາພາສາສັນຍາລັກ (Assembly / Symbolic Language) ຂຶ້ນໃຊ້ງານ
ຍຸກທີ່ 2 (ພ.ສ.2502-2506) "ຍຸກທຣານຊິດເຕີ"
ມີການນຳທຣານຊິດເຕີ ມາໃຊ້ໃນເຄື່ອງຄອມພິວເຕີຈຶ່ງເຮັດໃຫ້ເຄື່ອງມີຂະໜາດນ້ອຍລົງ ແລະ ສາມາດເພີ່ມປະສິດທິພາບໃນການເຮັດວຽກງານໃຫ້ມີຄວາມວ່ອງໄວ ແລະແມ່ນຢຳຫຼາຍຂຶ້ນ ນອກຈາກນີ້ ໃນຍຸກນີ້ຢັງໄດ້ມີການຄິດພາສາເພື່ອໃຊ້ກັບເຄື່ອງຄອມພິວເຕີເຊັ່ນ ພາສາຟໍແທນ (FORTRAN) ຈຶ່ງເຮັດໃຫ້ງ່າຍຕໍ່ການຂຽນໂປຣແກຣມສຳລັບໃຊ້ກັບເຄື່ອງ
ລັກສະນະສະເພາະຂອງເຄື່ອງຄອມພິວເຕີຍຸກທີ່ 2
- ໃຊ້ອຸປະກອນ ທຣານຊິດເຕີ (Transistor) ຊຶ່ງສ້າງຈາກສານເຄິ່ງຕົວນຳ (Semi-Conductor) ເປັນອຸປະກອນຫຼັກ ແທນຫຼອດສຸນຍາກາດ ເນື່ອງຈາກທຣານຊິດເຕີພຽງຕົວດຽວ ມີປະສິດທິພາບໃນການເຮັດວຽກງານທຽບເທົ່າຫຼອດສຸນຍາກາດໄດ້ນັບຮ້ອຍຫຼອດ ເຮັດໃຫ້ເຄື່ອງຄອມພິວເຕີໃນຍຸກນີ້ມີຂະໜາດນ້ອຍ ໃຊ້ພະລັງງານໄຟຟ້ານ້ອຍ ຄວາມຮ້ອນຕ່ຳ ເຮັດວຽກໄວ ແລະ ໄດ້ຮັບຄວາມໜ້າເຊື່ອຖືຫຼາຍຂື້ນ
- ເກັບຂໍ້ມູນໄດ້ ໂດຍໃຊ້ສ່ວນຄວາມຈຳວົງແຫວນແມ່ເຫຼັກ (Magnetic Core)
- ມີຄວາມໄວໃນການປະມວນຜົນໃນໜຶ່ງຄຳສັ່ງ ປະມານໜຶ່ງໃນພັນຂອງວິນາທີ (Millisecond : mS)
- ສັ່ງງານໄດ້ສະດວກຫລາຍຂຶ້ນ ເນື່ອງຈາກເຮັດວຽກດ້ວຍພາສາສັນຍະລັກ (Assembly Language)
- ເລີ່ມພັດທະນາພາສາລະດັບສູງ (High Level Language) ຂຶ້ນໃຊ້ງານໃນຍຸກນີ້
ຍຸກທີ່ 3 (ພ.ສ.2507-2512) "ຍຸກວົງຈອນລວມ"
ຄອມພິວເຕີໃນຍຸກນີ້ເລີ່ມຕົ້ນພາຍຫຼັງຈາກການໃຊ້ທຣານຊິດເຕີໄດ້ພຽງ 5 ປີ ເນື່ອງຈາກໄດ້ມີການປະດິດຄິດຄົ້ນກ່ຽວກັບວົງຈອນທັງຫມົດ (Integrated-Circuit) ຫຼື ເອີ້ນຫຍໍ້ວ່າ "ໄອຊີ" (IC) ຊຶ່ງໄອຊີນີ້ເຮັດໃຫ້ສ່ວນປະກອບ ແລະ ວົງຈອນຕ່າງໆ ສາມາດວາງລົງໄດ້ໃນແຜ່ນຊິບ (chip) ນ້ອຍໆ ພຽງແຜ່ນດຽວ ຈຶ່ງມີການນຳເອົາແຜ່ນຊິບມາໃຊ້ແທນທຣານຊິດເຕີເຮັດໃຫ້ປະຢັດເນື້ອທີ່ໄດ້ຫຼາຍນອກຈາກນີ້ຢັງເລີ່ມມີການໃຊ້ງານລະບົບຈັດການຖານຂໍ້ມູນ (Data Base Management Systems : DBMS) ແລະ ມີການພັດທະນາເຄື່ອງຄອມພິວເຕີໃຫ້ສາມາດເຮັດວຽກຮ່ວມກັນໄດ້ຫຼາຍໆ ງານໃນເວລາດຽວກັນ ແລະ ມີລະບົບທີ່ຜູ້ໃຊ້ສາມາດໂຕ້ຕອບກັບເຄື່ອງໄດ້ຫຼາຍໆ ຄົນ ພ້ອມໆ ກັນ (Time Sharing)
ລັກສະນະສະເພາະຂອງເຄື່ອງຄອມພິວເຕີຍຸກທີ່ 3
- ໃຊ້ອຸປະກອນ ວົງຈອນທັງຫມົດ (Integrated Circuit : IC) ຫຼື ໄອຊີ ແລະ ວົງຈອນລວມສະເກວຂະໜາດໃຫຍ່ (Large Scale Integration : LSI) ເປັນອຸປະກອນຫຼັກ
- ຄວາມໄວໃນການປະມວນຜົນໃນໜຶ່ງຄຳສັ່ງ ປະມານໜຶ່ງໃນລ້ານຂອງວິນາທີ (Microsecond : mS) (ສູງກວ່າເຄື່ອງຄອມພິວເຕີໃນຍຸກທີ່ 1 ປະມານ 1,000 ເທົ່າ)
- ເຮັດວຽກໄດ້ດ້ວຍພາສາລະດັບສູງທົ່ວໄປ
ຍຸກທີ່ 4 (ພ.ສ.2513-2532) "ຍຸຄວີແອນເອດໄອ"
ຍຸກທີ່ນຳສານເຄິ່ງຕົວນຳມາສ້າງເປັນວົງຈອນລວມຄວາມຈຸສູງຫຼາຍ (Very Large Scale Integrated : VLSI) ຊຶ່ງສາມາດຫຍໍ້ສ່ວນໄອຊີທຳມະດາຫຼາຍໆ ວົງຈອນເຂົ້າມາໃນວົງຈອນດຽວກັນ ແລະມີການປະດິດ ໄມໂຄຣໂພຣເຊດເຊີ (Microprocessor) ຂຶ້ນ ເຮັດໃຫ້ເຄື່ອງມີຂະໜາດນ້ອຍ ລາຄາຖືກລົງ ແລະ ມີຄວາມສາມາດໃນການເຮັດວຽກງານສູງ ແລະ ວ່ອງໄວຫຼາຍ ຈຶ່ງເຮັດໃຫ້ມີຄອມພິວເຕີສ່ວນບຸກຄົນ (Personal Computer) ຖືກຳເນີດຂຶ້ນມາໃນຍຸກນີ້
ລັກສະນະສະເພາະຂອງເຄື່ອງຄອມພິວເຕີຍຸກທີ່ 4
- ໃຊ້ອຸປະກອນ ວົງຈອນລວມສະເກວຂະໜາດໃຫຍ່ (Large Scale Integration : LSI) ແລະ ວົງຈອນລວມສະເກວຂະໜາດໃຫຍ່ຫຼາຍ (Very Large Scale Integration : VLSI) ເປັນອຸປະກອນຫຼັກ
- ມີຄວາມໄວໃນການປະມວນຜົນແຕ່ລະຄຳສັ່ງ ປະມານໜຶ່ງໃນພັນລ້ານວິນາທີ (Nanosecond : nS) ແລະ ພັດທະນາຕໍ່ມາຈົນມີຄວາມໄວໃນການປະມວນຜົນແຕ່ລະຄຳສັ່ງ ປະມານໜຶ່ງໃນລ້ານລ້ານຂອງວິນາທີ (Picosecond : pS)
ຍຸກທີ່ 5 (ພ.ສ.2533-ປະຈຸບັນ) "ຍຸກເຄືອຂ່າຍ"
ໃນຍຸກນີ້ໄດ້ມຸ້ງເນັ້ນການພັດທະນາ ຄວາມສາມາດໃນການເຮັດວຽກງານຂອງລະບົບຄອມພິວເຕີ ແລະ ຄວາມສະດວກສະບາຍໃນການໃຊ້ງານເຄື່ອງຄອມພິວເຕີຢ່າງຊັດເຈນ ມີການພັດທະນາສ້າງເຄື່ອງຄອມພິວເຕີແບບພົກພາຂະໜາດນ້ອຍ (Portable Computer) ຂຶ້ນໃຊ້ງານໃນຍຸກນີ້ໂຄງການພັດທະນາອຸປະກອນ VLSI ໃຫ້ໃຊ້ງານງ່າຍ ແລະມີຄວາມສາມາດສູງຂຶ້ນ ທັງຫມົດທັງໂຄງການວິຈັຍແລະພັດທະນາກ່ຽວກັບ ປັນຍາປະດິດ (Artificial Intelligence : AI) ເປັນຫົວໃຈຂອງການພັດທະນາລະບົບຄອມພິວເຕີໃນຍຸກນີ້ ໂດຍຫວັງໃຫ້ລະບົບຄອມພິວເຕີມີຄວາມຮູ້ ສາມາດວິເຄາະບັນຫາດ້ວຍເຫດຜົນ
0 ความคิดเห็น