ໂນດບຸກ​ເປີດ​ບໍ່​ຂື້ນ ​​ຈໍ​ດຳ ມີ​ໄຟ​​ກະ​ພິບ ໄຟ​ບໍ່​ເຂົ້າ ພັດ​ລົມ​ບໍ່​ໝຸນ ແກ້​ໄຂ​ໄດ້​ແນວ­ໃດ

ບັນ­ຫາ​ທີ່​ຜູ້​ໃຊ້​​ໂນດບຸກ​ຫຼາຍໆ ທ່ານ​ອາດ​ຈະ​​ເຄີຍ​ພົບ​ກັນ​ມາ ​ແດ່​ກໍ​ຄື​ບັນ­ຫາ​​ໂນດບຸກ​ເປີດ​ບໍ່​ຂື້ນ ​​ຈໍ​ດຳ​ບໍ່​ມີ​ພາບ ບາງເທື່ອ​ມີ​ໄຟ​​ກະ​ພິບ​ຂຶ້ນ​ມາ ຫລື ​ບາງ­ເທື່ອ​ເກີດ​ອາ­ການ​ໄຟ​ບໍ່​ເຂົ້າ ພັດ​ລົມ​ບໍ່​ໝຸນ ເຮັດ​ໃຫ້​ບໍ່​ສາ­ມາດ​ໃຊ້​ງານ​ເຄື່ອງ​ໄດ້​ຕາມ​ປົກ­ກະ­ຕິ ແລະ​ ຕ້ອງ​​ເຂົ້າ​ຮ້ານສ້ອມ​ແປງ ​ເຊິ່ງໃນ​ບົດ​ຄວາມ​ນີ້​ຈະ​ມາ​ເບິ່ງ​ກັນ​ວ່າ​ສາ­ເຫດຫຼັກໆ​ທີ່​ເຮັດ​ໃຫ້​ເກີດ​ບັນ­ຫາ​ເຫຼົ່າ­ນັ້ນ​ຂຶ້ນ​ມາ ມີ​ຫຍັງ​ແດ່ ແລະ ​ຈະ​ແກ້​ໄຂ​ເບື້ອງ​ຕົ້ນ​ໄດ້​ແນວ​ໃດ

1. ​​ໂນດບຸກ​ເປີດ​ບໍ່​ຂື້ນ ໄຟ​ບໍ່​ເຂົ້າ

​ສ່ວນ​ຫລາຍ​ແລ້ວ​ສາ­ເຫດ​ຂອງ​ອາ­ການ​​ໂນດບຸກ​ເປີດ​ບໍ່​ຂື້ນ ມັກ​ຈະ​ເກີດ​ຈາກ​ບັນ­ຫາ​ຂອງ​ພາກ​​ສ່ວນ​ການຈ່າຍ​ໄຟ ເຊັ່ນ ​ພອດ​ຊາ​​ດ​ແບັດ​ຂອງ​ຕົວ​ເຄື່ອງ ອະ​ແດ​​ບເ​ຕີຊາ​​ດ​ໄຟ ສາຍ​ໄຟ ​​​ປັກ​ໄຟ ຫລື​ ບັນ­ຫາ​ທີ່​ເມນບອດ​ກັບ​ແບ​​ດ​ເຕີ​​ຣີ ເຮັດ​ໃຫ້​ບໍ່​ສາ­ມາດ​ຈ່າຍ​ໄຟ​ເຂົ້າ​ໄປ​ໃນ​ລະ­ບົບ​ໄດ້ ເ​ລີຍ​ເປີດ​ເຄື່ອງ​ບໍ່​ຂື້ນ ເພາະ​ຖ້າ​ເກີດ​ເປັນ​ບັນ­ຫາ​ທີ່​ສ່ວນ​ອື່ນ ເຊັ່ນ HDD/SSD ຫລື ​ໜ້າ​​ຈໍ ຕົວ​ເຄື່ອງ​ມັກ​ຈະ​ມີ​ການ​ຕອບ​ສະ­ຫນອງ​ເບື້ອງ​ຕົ້ນ​ເມື່ອ​ເປີດ​ເຄື່ອງ​ໃຫ້​ຜູ້​ໃຊ້​ຮັບ​ຮູ້​ໄດ້ ເຊັ່ນ ຖ້າ​ຫາກ HDD/SSD ເສຍ ຢ່າງ​ນ້ອຍ​ເຄື່ອງ​ກໍ​ຄວນ​ເປີດ​ຕິດ BIOS ສາ­ມາດ​ເຮັດ​ວຽກ​ໄດ້ ແລ້ວ​ຄ່ອຍ​ມີ​ຂໍ້­ຄວາມ​ແຈ້ງ​ຂຶ້ນ​ມາ​ພາຍ­ຫລັງ ຫລື​ ຖ້າ​ໜ້າ​​ຈໍ​ເສຍ ຢ່າງ​ນ້ອຍ​ກໍ​ຕ້ອງ​ໄດ້​ຍິນ​ສຽງ​ພັດ​ລົມ​ໝຸນ​ຕອນ​ເປີດ​ເຄື່ອງ​ດ້ວຍ

ວິ­ທີ​ກວດ​ສອບ​ແລະ​ແກ້​ບັນ­ຫາ​ເບື້ອງ​ຕົ້ນ

ເບື້ອງ​ຕົ້ນ​ກໍ​ລອງ​ໃຊ້​ວິ​ທີ​ສະ​ລັບ​ການ​ໃຊ້​ງານ​ລະ­ຫວ່າງ​ໄຟ​​ຊາດ​ກັບ­ໄຟ​ຈາກ​ແບ​​ດ​ເຕີ​​ຣີ​ເບິ່ງ ວ່າ​ມີ​ອັນ​ໃດ​ເຮັດ​ໃຫ້​ສາ­ມາດ​ເປີດ​ເຄື່ອງ​ໄດ້​ຫລື​ບໍ່ ຕໍ່​ມາ​ຖ້າ​ສົງ­​ໄສວ່າ​ບັນ­ຫາ​ອາດ​ຈະ​ມາ​ຈາກ​ອະ​ແດ​​ບເ​ຕີ ອາດ​ຈະ​ລອງ​ກວດ​ສອບ​ດ້ວຍ​ການ​ຫາ​ອະ​ແດ​​ບ​ເຕີ​​​ຂອງ​ເຄື່ອງ​ອື່ນ​ມາ​ລອງ (ຖ້າ​ສາ­ມາດ​ຫາ​ໄດ້) ທົດ​ລອງ​ປ່ຽນ​ສາຍ​ໄຟ​ທີ່​ຕໍ່​ລະ­ຫວ່າງ​ອະ​ແດ​​ບເ​ຕີ​ກັບ​​​ປັກ​ໄຟ​​ເບິ່ງ ຫລື​ ຖ້າ​ເປັນ​​ໂນ໊ດບຸ໊ຄລຸ່ນ​ໃໝ່​ທີ່​ສາ­ມາດ​ຊາດ​ໄຟ​ເຂົ້າ​ໄດ້​ທັງ​ຈາກ​​ພອດ​ອະ​ແດ​​ບ​ເຕີ​​​ປົກ​ກ​ກະ​ຕິ ແລະ ​ຈາກ​ພອດ USB-C ກໍ​ລອງ​ຫາ​ອະ​ແດ​​ບເ​ຕີ USB-PD ກັບ​ສາຍ​ມາ​ລອງ​ສຽບ​ເບິ່ງ​​ ຖ້າ​​ພົບວ່າ​ບັນ­ຫາ​ຢູ່​ທີ່​ອະ​ແດ​​ບເ​ຕີ​ທີ່​ໃຊ້​ງານ​ຢູ່ ກໍ​ອາດ​ຈະ​ໄປ​ຕິດ­ຕໍ່​ຫາ​ຊື້​ອະ​ແດ​​ບເ​ຕີໃໝ່​ແທນ
​​ຖ້າ​ລອງ​ໃນ​ວິ­ທີ​ຂ້າງ​ຕົ້ນ​ແລ້ວ​ຢັງ​ເກີດ​ອາ­ການ​ຢູ່ ກໍ​ໜ້າ​ຈະ​ເດົາ​ໄດ້​ວ່າ​ບັນ­ຫາ​ເກີດ​ທີ່​ພາຍ​ໃນ​ຕົວ​ເຄື່ອງ​ ເຊັ່ນ ຊິ​​ບ​ພາກສ່ວນ​ການ​ຈ່າຍ​ໄຟ​ຂອງ​ເມນ​​ບອດ ຫລື​ ​ເມນ​​ບອດ​ເອງ ແນະ­ນຳ​ວ່າ​ຄວນ​ສົ່ງ​​ເຂົ້າ​​ສ້ອມ​ແປງ​ທີ່​ສູນ​ບໍ­ລິ­ການ​ ຫລື ຮ້ານ​​ສ້ອມ​ແປງ​ໄດ້

2. ​​ໂນດບຸກຈໍ​ດຳ ບໍ່​ມີ​ພາບ

ສຳ­ລັບ​ບັນ­ຫາ​ນີ້ ອາດ​ເກີດ​ໄດ້​ຈາກ​ຫຼາຍ​ສາ­ເຫດ ທັງ​ຈາກ​ຕົວ​​ຈໍ​ເອງ ຈາກ​ຊິ​​ບ​ກາດຈໍ ຈາກ​ການ​ບູດ​ເຂົ້າ OS ບໍ່​ໄດ້ ຫລື​ອາດ​ຈະ​ມາ​ຈາກ HDD/SSD ມີ​ບັນ­ຫາ ເຮັດ​ໃຫ້​ບໍ່​ສາ­ມາດ​ໂຫຼ​​ດ​ໄຟ​​ລ໌​ໄດ້ ໂດຍ​ສາ­ມາດ​ເຂົ້າ​ໄປ​ກວດ​ສອບ​ສາ­ເຫດ​ແລະ ​ວິ­ທີ​ແກ້​ໄຂ​ບັນ­ຫາ​ເບື້ອງ​ຕົ້ນ​ໄດ້​ຈາກ​ໃນ​ບົດ​ຄວາມ​ນີ້: ​​ໂນດບຸກ​ເປີດ​ແລ້ວ​​ຈໍ​ມືດ ​​ຈໍ​ເຫັນ​​ລາງໆ ຫລື​ ເຫັນແຕ່​ເມົາ​​ສ໌ ຈະ​ກວດ​ສອບ ແລະ​ແກ້​ໄຂ​​ແນວ​ໃດ​ດີ

3. ​​ໂນດບຸກ​ມີ​ໄຟ​​ກະພິບ ແຕ່​ໃຊ້​ງານ​ບໍ່​ໄດ້

ສຳ­ລັບ​ບັນ­ຫາ​​ໂນດບຸກ​ມີ​ໄຟ​​ກະ​ພິບ ແຕ່​ໃຊ້​ງານ​ບໍ່​ໄດ້ ໂດຍ​ໄຟ​ທີ່​​ກະ​ພິບ​ກໍ​ມັກ​ຈະ​ເປັນ​ພວກ​ໄຟ​ສະ​ແດງ​​​ສະ​ຖາ­ນະ​ຕ່າງໆ ເຊັ່ນ ການ​ຊາ​​ດ​ແບ​​ດ​ເຕີ​​ຣີ ການ​ເຮັດ​ວຽກ​ງານ​ຂອງ HDD ເປັນ­ຕົ້ນ ໂດຍ​ບັນ­ຫາ​ນີ້​ອາດ​ເກີດ​ໄດ້​ຈາກ​ຫຼາຍ​ສາ­ເຫດ​ເຊັ່ນ

- ທີ່​ຈິງ​ແລ້ວ​ເຄື່ອງ​ປິດ​ຢູ່ ແຕ່​ແບ​​ດ​ເຕີ​​ຣີ​ໝົດ ແລ້ວ​ກຳ­ລັງ​ຊາ​​ດ​ໄຟ​ໃຫ້​ແບ​​ດ​ເຕີ​​ຣີ (ເຄື່ອງ​ບໍ່​ໄດ້​ເສຍ ແຕ່​​ຜູ້​ໃຊ້​ງານ​ບໍ່​ຮູ້)

- ໄຟ​​ກະ​ພິບ​ຕາມ​ປົກ­ກະ­ຕິ ແຕ່​ໜ້າ​​ຈໍ​ບໍ່​ຕິດ: ສ່ວນ​ຂອງ​ການ­ສະ­ແດງ​ຜົນ ໄດ້­ແກ່ ໜ້າ​​ຈໍ​ ຫລື​ ຊິ​​ບ​ກາ​​ດຈໍ​ມີ​ບັນ­ຫາ
ເຄື່ອງ​ເປີດ​ໄດ້ ແຕ່​ໄຟ HDD ​​ກະ​ພິບ​ບໍ່​ຢຸດ ເນື່ອງ​ມາ​ຈາກ HDD ມີ​ບັນ­ຫາ ຈົນ​ບໍ່​ສາ­ມາດ​ໃຊ້​ງານ​ເຄື່ອງ​ໄດ້​ຕາມ​ປົກກະຕິ (ສ່ວນ​ເຄື່ອງ​​ລຸ້ນ​ໃໝ່ໆ ທີ່​ໃຊ້ SSD ມັກ​ບໍ່​ຄ່ອຍ​ມີ​ໄຟ​ນີ້​ມາ​ໃຫ້​ແລ້ວ)

ຊຶ່ງ​ວິ­ທີ​ກວດ​ສອບ​ເບື້ອງ​ຕົ້ນ ກໍ​ລອງ​ກົດ​ປຸ່ມ​ເປີດ​ເຄື່ອງ​ຄ້າງ​ໄວ້​ຊັກ 5 ວິ­ນາ­ທີ​ຈົນ​ເຄື່ອງ​ດັບ​ໄປ ຈາກ​ນັ້ນ​ລອງ​ກົດ​ເປີດ​ເຄື່ອງ​ອີກ​ຮອບ ຖ້າ​ບໍ່​ມີ​ບັນ­ຫາ​ຫຍັງ​ກໍ​ໂຊ​ກດີ​ໄປ ແຕ່​ຖ້າ​​ປ​ະກົດວ່າ​ເຄື່ອງ​ບໍ່​​ຂື້ນ ກໍ​ຄົງ​ຕ້ອງ​ໄລ່​ຫາ​ສາ­ເຫດ​ທີ່​ອາດ​ເກີດ​ຈາກ​ຈຸດ​ຕ່າງໆ ເຊັ່ນ ພາກ​ສ່ວນ​ການ​ຈ່າຍ​ໄຟ ພາກ​​ສ່ວນການ­ສະ­ແດງ​ຜົນ​ຂອງ​​ຈໍ ແລ້ວ​ກໍ່​ການ​ກວດ​ສອບ​ ຫລື​ ແກ້​ໄຂ​ຕາມ​ຫົວ­ຂໍ້​ທີ່​​ກ່າວ​ມາຂ້າງ​ຕົ້ນ ຫລື​ ຖ້າ​ເປີດ​ໄດ້ ແຕ່​ເຄື່ອງ​ບູດ​ຊ້າ​ຜິດ​ປົກ­ກະ­ຕິ ຫລື​ ໂຫຼ​​ດ​ໄຟ​​ລ໌​ຊ້າ​ ກໍ​ສັນ​ນິດ​ຖານ​ໄດ້​ວ່າ​ບັນ­ຫາ​ອາດ​ເກີດ​ຈາກ HDD ໃນ​ເຄື່ອງ ແນະ­ນຳ​ວ່າ​ຄວນ​ຮີບ​ສຳ­ຮອງ​ຂໍ້​ມູນ​ສຳ­ຄັນ​ໂດຍ​ໄວ​ທີ່​ສຸດ ແລ້ວ​ຈັດ­ການ​ປ່ຽນ HDD ໃໝ່ ຫລື​ຈະ​ປ່ຽນ​ໄປ​ໃຊ້ SSD ເລຍ​ກໍ​ໄດ້

ສຸດທ້າຍ​ແລ້ວ​ຖ້າ​ຢັງ​ພົບ​ບັນ­ຫາ​ຢູ່ ຫລື​ ບໍ່​ແນ່​ໃຈ​ໃນ​ແນວ­ທາງ​ການ​ແກ້​ບັນ­ຫາ ອາດ​ຈະ​ລອງ​​ປຶກ​ສາ​ຜູ້​ຊ່ຽວ­ຊານ ຫລື​​ ປຶກ​ສາ​ທາງ​ແບ​​ຣນດ໌​ເຈົ້າ​ຂອງ​ເຄື່ອງ​ເພື່ອ​ຫາ​ແນວທາງ​ແກ້​ໄຂ ສ້ອມ​ແປງໃນ​ລຳ­ດັບ​ຕໍ່​ໄປ