ການໃຊ້ງານພາ​ເລດ (Palette)

ພາ​ເລດ (Palette) ຄື​ກຸ່ມ​ຂອງ​ໜ້າ​ຕ່າງ​ທີ່​ລວບ​​ລວມ​ຄຸນ­ສົມ­ບັດ​ການ​ເຮັດ​ວຽກ​ງານ​ຂອງ​ເຄື່ອງ­ມື ຊ່ວຍ​ຄວບ​ຄຸມ​ລາຍ​ລະ​​ອຽດປີກ​ຍ່ອຍ​ໃນ​​ຂັ້ນ​ຕອນ​ການ​ເຮັດ​ວຽກ​ງານ 

• Navigator ເປັນ​ພາ​​ເ​ລັດ​ທີ່​ສະ­ແດງ​ໜ້າ​​ຈໍ​ຂອງ​ຮູບ​ພາບ​ທີ່​ໃຊ້​ງານ​ຢູ່ ເຮັດ​ຫນ້າ­ທີ່​ສຳ­ລັບ​ການ​ປັບ​ມຸມ​ມອງຂອງ​ຮູບ​ພາບ​ໂດຍ​ສາ​ມາດ​​ຄ​ລິ​​ກ​ທີ່​ປຸ່ມ Zoom Slider ເພື່ອ​ຫຍໍ້​ ຫຼື ​ຂະ­ຫຍາຍ​ມຸມ​ມອງ​ພາບ​ໄດ້
• info ເປັນ​ພາ​​ເ​ລັດ​ສຳ­ລັບ​ສະ­ແດງ​ຄ່າ​ສີ​ແບບ RGB ແລະ CMYK ຂອງ​ຮູບ​ພາບ​ໃນ​ຮູບ​ແບບ​ຂອງ​ຕົວ​ເລກ
• History ເປັນ​ພາ​​ເ​ລັດ​ທີ່​ເກັບ​ລາຍ​ລະ­ອຽດ​​ຂັ້ນ​ຕອນ​ການ​ເຮັດ​ວຽກ​ງານ​ທັງ​ໝົດ​ເພື່ອ​ອຳ­ນວຍ​ຄວາມ​ສະ­ດວກ​ເມື່ອ​ຕ້ອງ­ການ ຍ້ອນ​ກັບ ໄປ​ໃຊ້​ພາ​​ເ​ລັດ​ເ​ກົ່າ ​ຫລື​ ຍ້ອນ​ເບິ່ງ​ການ​ເຮັດ​ວຽກ​ງານ​ທີ່​ຜ່ານ​ມາ
• Color ເປັນ​ພາ​​ເ​ລັດ​ສຳ­ລັບ​ກຳ­ນົດ​ສີ Foreground ແລະ Background ໂດຍ​ການ​ເລື່ອນ​ແຖບ​ເພື່ອ​ປັບ​ສີ ຕາມ​ຕ້ອງ­ການ
• Swatches ເປັນ​ພາ​​ເ​ລັດ​ທີ່​ກຳ­ນົດ​ສີ​ແບບ​ສຳ​​ເ​ລັດ​ຮູບ​ເພື່ອ​ຄວາມ​ສະ­ດວກ​ໃນ​ການ​ເລືອກ​ສີ ຜູ້​ໃຊ້​ສາມາດ​ເບິ່ງ​ສີທີ່​ຕ້ອງ­ການ ແລະ ​​ຄ​ລິ​​ກ​ເລືອກ​ສີ​ທີ່​ຕ້ອງ­ການ
• Style ເປັນ​ພາ​​ເ​ລັດ​ທີ່​ໃຊ້​ໃນ​ການ​ກຳ­ນົດ​ຮູບ​ແບບ​ຕ່າງໆໂດຍ​ການ​ເລືອກ​ຮູບ​ແບບ​ທີ່​ຕ້ອງ­ການ ໄດ້­ແກ່ ຕົວ​ອັກ­ສອນ
• Layer ເປັນ​ພາ​​ເ​ລັດ​ສຳ­ລັບ​ໃຊ້​ຄວບ​ຄຸມ​ການ​ໃຊ້​ງານ​ເລ​​ເຍີຕ່າງໆ
• Channels ເປັນ​ພາ​​ເ​ລັດ​ທີ່​ສະ­ແດງ​ການ​​ແຢກ​ສີ​ຂອງ​ຮູບ​ພາບ​ທີ່​ກຳ­ລັງ​ເຮັດ​ວຽກ​ຢູ່ ປະ­ກອບ​ດ້ວຍ​ການ​​ແຢກ​ສີ​ແບບ RGB, Red, Green, ແລະ Blue
• Paths ເປັນ​ພາ​​ເ​ລັດ​ທີ່​ໃຊ້​ສະ­ແດງ Path ທີ່​ຖືກ​ສ້າງ​ຂຶ້ນ​ໃນ​ຮູບ​ພາບ​ທີ່​ກຳ­ລັງ​ເຮັດ​ວຽກ

ໃນ​ການ​ສ້າງ­ສັນ​ຜົນ­ງານ​ໃນ Photoshop ນັ້ນ ຄວນ​ມີ​ການ​ກຳ­ນົດ​ຂະ­ໜາດ​ຂອງ​ພື້ນ​ທີ່​ການ​ເຮັດ​ວຽກ​ງານ​ໃຫ້ ເໝາະ​ສົມ​ກັບ​ງານ ການ​ກຽມ​ພາບ​ຈາກ​ແຫຼ່ງ​ຕ່າງໆ ເພື່ອ​ນຳ​ມາ​ໃຊ້​ງານ​ຕາມ​ຈຸດ​ປະ​ສົງ​ຂອງ​ເຮົາ ສາ­ມາດ​ເປີດ​ໄຟ​​ລ໌​ຈາກ​ແຫຼ່ງ​ພາບ​ຕ່າງໆ ລວມ​ທັງ​ການ​ປັບ​ຫຍໍ້ ຂະ­ຫຍາຍ​ມຸມ​ມອງ​ຂອງ​ພາບ​ໃຫ້​ເໝາະ​ສົມ​ຕາມ​ຄວາມ​ຕ້ອງ­ການ ແລະ ​ສາ­ມາດ​ບັນ­ທືກ​ງານ​ທີ່​ສ້າງ​ໄວ້​ໄດ້​ຢ່າງ​ຖືກ​ວິ­ທີ