ຄອມດັບເອງ ເປັນບັນຫາທີ່ສ້າງຄວາມປວດຫົວໃຫ້ກັບຜູ້ໃຊ້ໄດ້ສະເໝີມາ ແລະຫຼາຍໆຄັ້ງກໍບໍ່ຮູ້ຕົ້ນສາຍປາຍເຫດທັງທີ່ກ່ອນໜ້ານີ້ ຢັງໃຊ້ງານໄດ້ປົກກະຕິ ແຕ່ຫຼັງຈາກຊັດດາວນ໌ໄປລ່າສຸດ ກໍເກິດອາການຜິດປົກກະຕິແບບນີ້ຂຶ້ນ ຄອມດັບເອງ ເປີດບໍ່ຕິດ ຢ່າງໃດກໍຕາມບັນຫານີ້ ອາດມີທາງແກ້ໄຂໄດ້ໃນເບື້ອງຕົ້ນ ແຕ່ຂັ້ນຕົ້ນກໍຄົງຕ້ອງກວດເຊັກຕາມຈຸດຕ່າງໆ ໃຫ້ຖີ່ຖ້ວນເສຍກ່ອນ ເລີ່ມຕັ້ງແຕ່ຮາດແວ ແລະ ອຸປະກອນທີ່ນຳມາໃຊ້ ເພື່ອໃຫ້ງ່າຍຕໍ່ການວິເຄາະອາການ
ສິ່ງທີ່ຕ້ອງລະວັງ
ບັນຫາທີ່ພົບຕາມມານອກຈາກຄອມເອງ ເປີດບໍ່ຕິດກໍຄື ອຸປະກອນພາຍໃນເຄື່ອງຄອມອື່ນໆ ຈະເສຍເພີ່ມຫລາຍຂຶ້ນ ໂດຍສະເພາະຄົນທີ່ຢັງຝືນໃຊ້ຄອມ ໃນຂະນະທີ່ຍັງມີບັນຫາ ເມື່ອສະວິດຖືກເປີດ ແລະ ໄຟຖືກຕັດຈາກການລັດວົງຈົນ ກໍອາດເຮັດໃຫ້ອຸປະກອນຄອມ ທີ່ມີຄວາມອ່ອນໄຫວ ເສຍຫາຍຕາມໄປດ້ວຍ ເຊັນ ເມນບອດ ແຣມ ກາດຈໍ ດັ່ງນັ້ນຫາກພົບກັບບັນຫາເລື່ອງຂອງຄອມດັບເອງ ບໍ່ຈຳເປັນ ກໍຢ່າໄປກົດເປີດເລື້ອຍໆ ເພາະອາດເຮັດໃຫ້ເກີດຄວາມເສຍຫາຍຖາວອນໄດ້ ແລະ ຖ້າເປັນໄປໄດ້ ໃຫ້ລອງຫາອຸປະກອນທີ່ພໍມີຢູ່ ລອງສະລັບສັບປ່ຽນເບິ່ງ ເພື່ອທີ່ຈະໄດ້ກວດເຊັກ ແລະ ປະເມີນອາການໄດ້ໃນເບື້ອງຕົ້ນ
ການກວດເຊັກ
ໃນການແກ້ໄຂບັນຫາ ຄອມດັບເອງ ເປີດບໍ່ຕິດ ໃຫ້ລອງກວດເຊັກບັນດາອຸປະກອນຕ່າງໆ ຕັ້ງແຕ່ສາຍໄຟ ເພົາເວີຊັບພລາຍ ເມນບອດ ແລະ ກາດຈໍ ຊຶ່ງອາດເກີດຈາກການເສື່ອມຄຸນນະພາບຂອງອຸປະກອນ ຫລື ເກີດຄວາມເສຍຫາຍ ເມື່ອກວດພົບຕົ້ນຕໍ ຈະຖອດອອກ ຫລື ປ່ຽນ ເພື່ອໃຫ້ຄອມກັບມາໃຊ້ງານໄດ້ຕາມປົກກະຕິ ກໍແລ້ວແຕ່ຜູ້ໃຊ້ ເພື່ອໃຫ້ເຂົ້າໃຈງ່າຍໆບໍ່ຊັບຊ້ອນລອງມາເບິ່ງ 5 ຂັ້ນຕອນໃນການແກ້ໄຂ
- ເຊັກລະບົບໄຟ ເລີ່ມຕົ້ນຈາກສາຍໄຟ AC ທີ່ຕໍ່ມາຈາກປັກ ເຂົ້າສູ່ເພົາເວີຊັບພລາຍ ບັນຫາຂອງຄອມດັບ ສ່ວນຫຼາຍອາດເກີດຈາກບ່ອນນີ້ ສ່ວນຫນຶ່ງເກີດຈາກສາຍໄຟມີຈຸດຂາດໃນ ປັກຫຼວມ ຫລື ຟິວຂາດ ຫລື ເກີດຈາກໃຊ້ງານມາດົນ ແລະ ຢູ່ໃນສະພາວະທີ່ບໍ່ດີ ໜູກັດ ກໍເຮັດໃຫ້ເສຍຫາຍໄດ້ເຊັ່ນກັນ ຢິ່ງໃນກໍລະນີທີ່ໃຊ້ປັກດຽວແຕ່ສຽບຫຼາຍໆອຸປະກອນພ້ອມກັນ ເກີດຄວາມຮ້ອນສູງ ແລະ ປັກທີ່ບໍ່ໄດ້ມາດຕະຖານ ຮັບໂຫຼດໜັກບໍ່ໄດ້ ກໍເຮັດໃຫ້ຄອມດັບເອງ ດັ່ງນັ້ນລອງຫາສາຍໄຟ ແລະ ປັກເອົາມາປ່ຽນເພື່ອລອງເບິ່ງອາການກ່ອນວ່າ ປ່ຽນໃໝ່ແລ້ວ ຄອມດັບເອງ ອີກຫລືບໍ່
- ເຊັກຄວາມເປີເປື້ອນພາຍໃນເຄື່ອງ ແລ້ວເຮັດຄວາມສະອາດແບບງ່າຍໆ ເພາະຄວາມເປີເປື້ອນ ກໍເປັນອີກປັດໃຈໜຶ່ງທີ່ເຮັດໃຫ້ຄອມດັບເອງ ໄດ້ເຊັ່ນກັນ ເຊັ່ນ ການໃຊ້ງານຢູ່ພາຍໃນເຮືອນທີ່ບໍ່ໄດ້ເປັນຫ້ອງສະເພາະ ຫລື ຢູ່ໃນແຫຼ່ງທີ່ມີຝຸ່ນຈຳນວນຫລາຍ ກໍອາດຈະເຮັດໃຫ້ຝຸ່ນເຂົ້າໄປເກາະໃນສ່ວນຕ່າງໆ ພາຍໃນຄອມໄດ້ ແລະ ເມື່ອບາງສ່ວນເຂົ້າໄປໃນຮີດຊິງພັດລົມຂອງຊີພີຢູ ກາດຈໍ ຈົນເຮັດໃຫ້ບໍ່ສາມາດເຮັດວຽກໄດ້ຕາມປົກກະຕິ ອາດເຮັດໃຫ້ພັດລົມໝຸນຊ້າລົງ ສຸດທ້າຍຄື ຢຸດໝຸນ ຊີພີຢູ ຫລື ກາດຈໍຮ້ອນຈັດ ກໍເຮັດໃຫ້ເຄື່ອງດັບໄດ້ເຊັ່ນກັນ ແລະ ຍັງມີບັນຫາຂອງແມງຊບ ຫຼື ແມງອື່ນໆທີ່ສາມາດລອດເຂົ້າໄປໃນເຄື່ອງໄດ້ ແລະ ໄປເຮັດໃຫ້ເກີດການລັດລົງຈອນ ກໍເຮັດໃຫ້ເກີດບັນຫາຄອມດັບເອງ ໄດ້ເຊັ່ນດຽວກັນ ການແກ້ໄຂກໍຄື ການຖອດອຸປະກອນເຫຼົ່ານີ້ອອກມາເຮັດຄວາມສະອາດ ດ້ວຍການໃຊ້ແປງປັດຝຸ່ນ ເຊັດດ້ວຍຜ້າ ຫລື ອາດໃຊ້ນ້ຳຢາທີ່ເປັນສະເປຍພົ່ນເຮັດຄວາມສະອາດ (Clear contact) ຈາກນັ້ນຈຶ່ງຕິດຕັ້ງກັບເຂົ້າໄປອີກເທື່ອ
- ຖອດອຸປະກອນຕໍ່ພວງທຸກສິ່ງອອກໃຫ້ໝົດ ເຊັ່ນ ແຣມ ກາດຈໍ ແລະ ສິ່ງອື່ນໆ ທີ່ຕໍ່ພວງໃນເມນບອດອອກທັງໝົດ ຈາກນັ້ນເຊັກເທື່ອລະອັນ ເພື່ອເບິ່ງວ່າອຸປະກອນອັນໃດທີ່ເກີດບັນຫາ ຕົວຢ່າງຄື ເຄີຍໃສ່ແຣມຫຼາຍແຖວ ອາດເປັນໄປໄດ້ວ່າມີແຖວໃດແຖວໜຶ່ງເສຍ ໃຫ້ຖອດອອກມາທັງໝົດ ແລ້ວສະລັບໃສ່ເຂົ້າໄປເທື່ອລະແຖວ ແລ້ວເບິ່ງອາການ ແບບນີ້ເຮົາກໍຈະຮູ້ວ່າເກີດຈາກແຣມແຖວໃດ ທີ່ເສຍກໍນຳໄປແກ້ໄຂຕາມປົກກະຕິ ເຊັ່ນດຽວກັນກັບກາດຈໍ ແລະ ອຸປະກອນຕໍ່ພ່ວງອື່ນໆ ໃຫ້ລອງຖອດອອກມາທັງໝົດ ຫາກຕ້ອງການໃຫ້ແນ່ໃຈແທ້ໆ ອາດຖອດອອກມາຈາກເຄດທຸກອັນ ແລ້ວນຳມາທົດສອບຂ້າງນອກ ເພື່ອຄວາມສະດວກຫລາຍຂຶ້ນ ແລະ ໃຊ້ເວລານີ້ ໃນການເຮັດຄວາມສະອາດອຸປະກອນທຸກອັນ
- ປ່ຽນອຸປະກອນອັນທີ່ເກີດຄວາມເສຍຫາຍ ແນ່ນອນວ່າຖ້າພົບອຸປະກອນອັນທີ່ເສຍຫາຍແລ້ວ ກໍບໍ່ຄວນນຳກັບເຂົ້າໄປໃຊ້ໃໝ່ ເພາະຄວາມເປັນໄປໄດ້ວ່າຈະພົບກັບອາການຄອມດັບເອງ ກໍເກິດຂຶ້ນໄດ້ອີກເຊັ່ນກັນ ຄວນນຳໄປແກ້ໄຂ ຫລື ປ່ຽນໃໝ່ມາໃຊ້ຫລາຍກວ່າ ຫລື ໃຫ້ແນ່ໃຈວ່າເຮົາຈັດການກັບບັນຫາຂອງອຸປະກອນນັ້ນໆ ສຳເລັດ ແລະ ໃຊ້ງານໄດ້ຕາມປົກກະຕິແລ້ວ ເຊັ່ນ ເຮັດຄວາມສະອາດພັດລົມກາດຈໍ ຈົນໝຸນໄດ້ຕາມປົກກະຕິ ຫລື ຈະເປັນເມນບອດທີ່ລັດວົງຈອນເນື່ອງຈາກເກີດຄາບເປີເປື້ອນເກີດຂຶ້ນ ເມື່ອເຮັດຄວາມສະອາດ ແລະ ພ້ອມສຳລັບໃຊ້ງານແລ້ວ ຈຶ່ງຄ່ອຍນຳມາໃຊ້ ແລ້ວໝັ່ນຕິດຕາມອາການຕໍ່ເນື່ອງ ແລະ ຕ້ອງບໍ່ລືມວ່າຫຼັງເຮັດຄວາມສະອາດ ເຊັ່ນ ຮີດຊິງກ໌ຊີພີຢູ ກໍຄວນປ່ຽນຊິລິໂຄນ ທີ່ຊ່ວຍໃນການນຳພາຄວາມຮ້ອນອອກໄປໄດ້ດີຂຶ້ນ ເພາະຄວາມຮ້ອນອາດເກີດຈາກການເສື່ອມສະພາບຂອງສິ່ງເລົ່ານີ້ໄດ້ເຊັ່ນກັນ ຈະເລືອກຊິລິໂຄນລາຄາຖືກ ຫລື ແພງຢ່າງໃດ ກໍຂຶ້ນຢູ່ກັບກຳລັງຊື້ ແລະ ຄວາມຕ້ອງການໃນການໃຊ້ງານແຕ່ລະບຸກຄົນ
- ຢ່າລືມໃຊ້ຊອບແວໃນການກວດເຊັກສະຖານະຂອງຄອມພິວເຕີຄອບຄູ່ໄປດ້ວຍ ເຊັ່ນ HWMonitor ເປັນເຄື່ອງມືທີ່ຊ່ວຍໃນການກວດສອບ ແລະ ລຸດບັນຫາຄອມດັບເອງ ຊຶ່ງອາດເກີດຈາກຄວາມຮ້ອນໄດ້ ດ້ວຍການດາວໂຫຼດ HWMonitor ມາຕິດຕັ້ງ ຈາກນັ້ນໃຫ້ເຂົ້າໄປເບິ່ງອຸນຫະພູມໃນຫົວຂໍ້ Temperatures ໃນສ່ວນຂອງ Value ແລະ ເຊັກບ່ອນທີ່ Max ຢ່າໃຫ້ສູງເກີນໄປ ຊຶ່ງຈະໝາຍເຖິງເຄື່ອງຮ້ອນ ແລະ ເຮັດໃຫ້ເກີດບັນຫາຄອມດັບຕາມມາໄດ້ ຊຶ່ງບາງເທື່ອອາດຕັ້ງຄ່າໃຫ້ໂປຣແກຣມນີ້ສະແດງົນຢູ່ທີ່ System tray ເພື່ອໃຫ້ເຮົາດູແລສະຖານະໄດ້ງ່າຍຂຶ້ນ
ສຸດທ້າຍຄື ຢາກໃຫ້ໃສ່ໃຈເລື່ອງຂອງຄວາມສະອາດ ແລະ ການລະບາຍອາກາດທີ່ດີ ໝັ່ນກວດເຊັກ ດ້ວຍການເປີດຝາເຄດຄອມ ເພື່ອຈັດການກັບຝຸ່ນ ແລະ ຊິ້ນສ່ວນຕ່າງໆ ຢ່າງນ້ອຍປີລະ 2 ເທື່ອ ແລະ ຈັດທິດທາງລົມພາຍໃນຄອມໃຫ້ດີ ເພື່ອລຸດບັນຫາຄວາມຮ້ອນສະສົມ ດ້ວຍການຈັດເກັບສາຍໄຟຕ່າງ ພາຍໃນ ລວມເຖິງໃຫ້ມີລົມເຂົ້າອອກຕາມປົກກະຕິ ພຽງເທົ່ານີ້ກໍສາມາດລຸດບັນຫາຄອມດັບເອງ ເປີດບໍ່ຕິດ ໄດ້ແລ້ວ
0 ความคิดเห็น