ໄວຣັດຄອມພິວເຕີ (Computer Virus) ຄືຊຸດຄຳສັ່ງ ຫລື ໂປຣແກຣມທີ່ຖືກສ້າງຂຶ້ນມາດ້ວຍວັດຖຸປະສົງໃນການບັນທອນລະບົບຮັກສາຄວາມປອດໄພຂອງຄອມພິວເຕີ ເພື່ອກໍ່ກວນ ໂຈນກຳ ແລະ ທຳລາຍຂໍ້ມູນພາຍໃນຄອມພິວເຕີເປົ້າໝາຍ ໄວຣັດຄອມພິວເຕີຈຶ່ງຖືກໃຊ້ໃນການສ້າງຄວາມເສຍຫາຍແກ່ບຸກຄົນ, ພາກລັດ, ພາກທຸລະກິດ ລວມເຖິງປະໂຫຍດທາງການທະຫານ ແລະ ການໂຈລະກຳຂໍ້ມູນທີ່ມີຄວາມສຳຄັນຕໍ່ຄວາມຫມັ້ນຄົງແຫ່ງຊາດ
ນອກຈາກນີ້ ໄວຣັດຄອມພິວເຕີຍັງມີອີກໜຶ່ງຄຸນສົມບັດທີ່ສຳຄັນຄື ການແພ່ໄປຢັງຄອມພິວເຕີ ຫລື ອຸປະກອນອິເລັກໂຕຣນິກເຄື່ອງອື່ນໆ ຜ່ານແພລດຟອມອອນລາຍຢ່າງເວັບໄຊຕ໌ ຫລື ໂຊຊຽວມີເດຍ ຕະຫລອດຈົນອຸປະກອນຈັດເກັບຂໍ້ມູນຢ່າງ Flash Drive ຫລື External Hard drive ດ້ວຍເຫດນີ້ ໄວຣັດຄອມພິວເຕີ ຈຶ່ງສາມາດສ້າງຄວາມເສຍຫາຍເປັນຢ່າງຫລວງຫລາຍຫາກຄອມພິວເຕີເປົ້າໝາຍຂາດລະບົບປ້ອງກັນຄວາມປອດໄພທີ່ມີປະສິດທິພາບ ໂດຍສະເພາະເມື່ອບໍ່ໄດ້ຕິດຕັ້ງແອນຕີ້ໄວຣັດທີ່ມີຂີດຄວາມສາມາດໃນການປ້ອງກັນຄອບຄຸມການໂຈມຕີ ແລະ ອາຊະຍາກອນໄຊເບີທຸກຮູບແບບ
ປະເພດຂອງໄວຣັດໃນຄອມພິວເຕີ
ການເຮັດວຽກຂອງໄວຣັດຄອມພິວເຕີ ຄື ການແທຣກເຂົ້າໄປຝັງຕົວຢູ່ບໍລິເວນຫນ່ວຍຄວາມຈຳ (ram) ຂອງຄອມພິວເຕີ ຫຼັງຈາກນັ້ນໄວຣັດກໍຈະຄ່ອຍໆ ສ້າງຄວາມເສຍຫາຍຕໍ່ລະບົບການເຮັດວຽກງານຂອງຄອມພິວເຕີ ໂດຍມີການເຮັດວຽກຂຶ້ນຢູ່ກັບວັດຖຸປະສົງຂອງໄວຣັດດັ່ງກ່າວ ບໍ່ວ່າຈະເປັນການທຳລາຍຂໍ້ມູນພາຍໃນຄອມພິວເຕີ ການໂຈລະກຳຂໍ້ມູນກ່ຽວກັບປະຫວັດສ່ວນຕົວ ແລະ ຂໍ້ມູນທາງການເງິນຂອງເຈົ້າຂອງຄອມພິວເຕີ ຫລື ກໍ່ກວນໃຫ້ບໍ່ສາມາດໃຊ້ງານຄອມພິວເຕີໄດ້ຢ່າງປົກກະຕິ ໂດຍອາດປາກົດໃນຮູບຂອງເມົາສ໌ເຄື່ອນທີ່ເອງ ຂໍ້ຄວາມວິ່ງໄປມາໃນໜ້າຈໍ ຫລື ບໍ່ສາມາດເປີດຄອມພິວເຕີໄດ້ ເປັນຕົ້ນ ໄວຣັດຄອມພິວເຕີມີຢູ່ຫຼາຍປະເພດນຳກັນ ໂດຍສາມາດສະຫລຸບໄດ້ 7 ປະເພດ ດັ່ງນີ້
1. ໜອນ (Worm)
ເປັນໜຶ່ງໃນໄວຣັດຄອມພິວເຕີປະເພດອັນຕະລາຍ ທີ່ສາມາດສ້າງຄວາມເສຍຫາຍແກ່ຄອມພິວເຕີໄດ້ຢ່າງຮ້າຍແຮງ ເນື່ອງຈາກມີຄຸນສົມບັດສາມາດແພ່ກະຈາຍໄປຢັງຄອມພິວເຕີ ແລະ ອຸປະກອນເອເລັກໂຕຣນິກອື່ນໆ ໄດ້ຢ່າງວ່ອງໄວ ຕະຫລອດຈົນສາມາດບັນທອນປະສິດທິພາບການເຮັດວຽກຂອງຄອມພິວເຕີໄດ້ ນອກຈາກນີ້ ເນື່ອງຈາກໄວຣັດໜອນສາມາດກະຈາຍຕົວເຂົ້າໂຈມຕີລະບົບຢ່າງວ່ອງໄວ ເຮັດໃຫ້ການກຳຈັດເຮັດໃຫ້ໄດ້ຍາກຫລາຍຂຶ້ນ ແລະ ຈຳເປັນຈະຕ້ອງໃຊ້ແອນຕີ້ໄວຣັດທີ່ມີສັກກະຍະພາບສູງໃນການຕໍ່ກອນກັບໄວຣັດໜອນທີ່ເຂົ້າມາຊອນໄຊລະບົບການເຮັດວຽກງານຂອງຄອມພິວເຕີ
2. ບູດໄວຣັດ (Boot Virus)
ໄວຣັດຄອມພິວເຕີຊະນິດນີ້ແຝງຢູ່ໃນແຜ່ນຊີດີຣອມ ຫລື Flash drive ທີ່ຈະເຂົ້າຈູ່ໂຈມຄອມພິວເຕີທັນທີ ເມື່ອຮາດດິສກ໌ເລີ່ມອ່ານແຜ່ນຊີດີດັ່ງກ່າວ ໂດຍພຸ່ງເປົ້າໝາຍໄປທີ່ມາດເຕີບູດເຣກຄອດກ່ອນຈະເຄື່ອນໄປທີ່ຫນ່ວຍຄວາມຈຳ ແລະ ເລີ່ມຕົ້ນເຮັດວຽກທັນທີ ເມື່ອຄອມພິວເຕີເລີ່ມບູດເຄື່ອງຫຼັງຈາກເປີດຄອມພິວເຕີທີ່ຕິດໄວຣັດປະເພດນີ້ຈະບໍ່ໄດ້ສະແດງອາການຊັດເຈນ ແຕ່ມັກຈະມີການແພ່ກະຈາຍໄປຢັງຊີດີຣອມລະຫວ່າງທີ່ຄອມພິວເຕີກຳລັງບູດເພື່ອປິດເຄື່ອງ ແລະ ດ້ວຍວິທີການຕິດຕໍ່ເຊັ່ນນີ້ ເຮັດໃຫ້ບູດໄວຣັດສາມາດແພ່ໄປຢັງຄອມພິວເຕີເຄື່ອງອື່ນໆ ໄດ້ໂດຍບໍ່ຮູ້ຕົວ
3. ມາໂຄຣໄວຣັດ (Macro Virus)
ເປັນອີກໜຶ່ງໄວຣັດຄອມພິວເຕີປະເພດໜຶ່ງທີ່ສາມາດພົບໄດ້ໃນການເຮັດວຽກ ໂດຍສະເພາະງານອອບຟິດທີ່ຕ້ອງຫຍຸ້ງກ່ຽວກັບໂປຣແກຣມເອກະສານຕ່າງໆ ໂດຍມາໂຄຣໄວຣັດຈະແທຣກຕົວມາໃນໄຟລ໌ເອກະສານ ຢ່າງ Microsoft Word ຫລື Microsoft Excel ມີຄຸນສົມບັດໃນການສົ່ງຄຳສັ່ງມາໂຄຣສຳລັບງານອັດຕະໂນມັດໃນໄຟລ໌ເອກະສານ
4. ມ້າໂທຣຈັນ (Trojan Horse)
ເຖິງວ່າໂທຣຈັນຈະບໍ່ສາມາດເອີ້ນໄດ້ຢ່າງເຕັມປາກວ່າໄວຣັດຄອມພິວເຕີ ແຕ່ກໍມີວັດຖຸປະສົງເພື່ອກໍ່ກວນ ແລະ ບ່ອນທຳລາຍການເຮັດວຽກຂອງຄອມພິວເຕີບໍ່ຕ່າງຈາກໄວຣັດປະເພດອື່ນໆ ໂດຍສະຫລຸບ ໂທຣຈັນຄືຊຸດໂປຣແກຣມທີ່ຖືກຂຽນຂຶ້ນມາເພື່ອຫຼອກລໍ້ໃຫ້ຜູ້ໃຊ້ງານດາວໂຫຼດ ແລະ ຕິດຕັ້ງ ໂດຍເຊື່ອວ່າຈະສາມາດໃຊ້ງານໄດ້ຕາມຄຸນສົມບັດທີ່ໂປຣແກຣມເມີໄດ້ຂຽນໂຄດນາໄວ້
ຫຼັງຈາກຕິດຕັ້ງແລ້ວ ໂທຣຈັນກັບເຂົ້າໄປທຳລາຍ ຫລື ໂຈນກຳຂໍ້ມູນພາຍໃນເຄື່ອງຄອມພິວເຕີ ກໍ່ໃຫ້ເກີດຄວາມເສຍຫາຍ ແລະ ຄວາມເຈັບໃຈທີ່ຜູ້ໃຊ້ງານເປັນຄົນນຳເຂົ້າມາເອງດ້ວຍການຖືກໂທຣຈັນຫຼອກໃຫ້ຕິດຕັ້ງດ້ວຍຕົວເອງ ບໍ່ຕ່າງຈາກຊາວເມືອງທຣອຍທີ່ລາກມ້າໂທຣຈັນເຂົ້າໄປໃນກຳແພງເມືອງໂດຍຊະລາໃຈຄິດວ່າເປັນຂອງທີ່ຂ້າສຶກຖິ້ມໄວ້ ຈົນຕອນເດິກມາທະຫານຂ້າສຶກທີ່ຊ້ອນຕົວຢູ່ໃນມ້າໄມ້ໂທຣຈັນກໍອອກມາຢຶດເມືອງທຣອຍຈາກດ້ານໃນ ຈົນເປັນທີ່ມາຂອງຊື່ໂທຣຈັນທີ່ເປັນເຄິ່ງໄວຣັດຄອມພິວເຕີປະເພດນີ້
5. ສະຕຽວໄວຣັດ (Stealth Virus)
ສະຕຽວໄວຣັດຄອມພິວເຕີປະເພດນີ້ມີຄຸນສົມບັດໃນການອຳພາງຕົວສົມຊື່ ຢົກຕົວຢ່າງເຊັ່ນ ກໍລະນີທີ່ໄຟລ໌ໆໜຶ່ງມີສະຕຽວໄວຣັດແຝງຢູ່ ໄຟລ໌ນັ້ນຈະບໍ່ສາມາດກວດສອບຂະໜາດໄຟລ໌ທີ່ແທ້ຈິງໄດ້ ທີ່ເປັນແນວນີ້ເພາະສະຕຽວໄວຣັດໄດ້ເຂົ້າໄປຄວບຄຸມ DOS ສຳເລັດຮຽບຮ້ອຍແລ້ວເຮັດໃຫ້ໄຟລ໌ເບິ່ງປົກກະຕິຄືເກົ່າທຸກຢ່າງ ແຕ່ບໍ່ສາມາດເບິ່ງຂະໜາດໄຟລ໌ໄດ້ ແທ້ຈິງແລ້ວໄຟລ໌ນັ້ນໄດ້ຖືກສະຕຽວໄວຣັດເຂົ້າຫລິ້ນງານ ແລະ ອຳພາງຕົວຢູ່ຄອຍຖ້າໃຫ້ເຮົາຄລິກເຂົ້າໄປນັ້ນເອງ
6. ໂພລີມໍຟິກໄວຣັດ (Polymorphic Virus)
ເປັນໄວຣັດຄອມພິວເຕີທີ່ສາມາດຄວບຄຸມກຳຈັດໄດ້ຍາກຫລາຍ ເນື່ອງຈາກມີຄຸນສົມບັດໃນການ copy ຕົວເອງຈົນແພ່ກະຈາຍໄດ້ຫລາຍຂຶ້ນເປັນເທົ່າຕົວ ຫຼາຍຮ້ອຍຮູບແບບ ໂດຍປະຈຸບັນມີໄວຣັດຄອມພິວເຕີທີ່ມີຄຸນສົມບັດເຊັ່ນນີ້ຈຳນວນຫລາຍ ສົ່ງຜົນໃຫ້ການສະແກນໄວຣັດພຽງຢ່າງດຽວວິທີການດຽວອາດບໍ່ພໍຕໍ່ການກວດຈັບໄວຣັດປະເພດນີ້ທຸກຕົວ ຈຶ່ງຕ້ອງໃຊ້ແອນຕີ້ໄວຣັດທີ່ມີຂີດຄວາມສາມາດສູງ ແລະ ຮອບດ້ານຫລາຍຢິ່ງຂຶ້ນ
7. ໄຟລ໌ໄວຣັດ (File Virus)
ໄວຣັດປະເພດນີ້ເປັນໜຶ່ງໃນໄວຣັດທີ່ພົບໄດ້ໃນຊີວິດປະຈຳວັນຫລາຍທີ່ສຸດ ໂດຍສະເພາະຜູ້ທີ່ນິຍົມດາວໂຫຼດໂປຣແກຣມຟຣີຈາກອິນເຕີເນັດ ໂດຍໄວຣັດຈະແຝງຕົວມາໃນຮູບຂອງໄຟລ໌ຕິດຕັ້ງໂປຣແກຣມຊຶ່ງສ່ວນໃຫຍ່ຈະມີດກຸນ .exe ເພາະສະນັ້ນ ຈຶ່ງຄວນກວດແຫຼ່ງທີ່ມາຂອງໂປຣແກຣມ ຄວາມໜ້າເຊື່ອຖືຂອງເວັບໄຊຕ໌ກ່ອນຈະໂຫຼດໄຟລ໌ໂປຣແກຣມເຫຼົ່ານັ້ນ ເພາະອາດເປັນການນຳເສີກເຂົ້າບ້ານດ້ວຍການນຳໄວຣັດມາປ່ອຍລົງໃນຄອມພິວເຕີຂອງຕົນເອງໄດ້ຫາກບໍ່ລະວັງ
ວິທີປ້ອງກັນໄວຣັດຕິດເຄື່ອງຄອມພິວເຕີໃນບໍລິສັດ
ການແກ້ໄຂ-ປ້ອງກັນໄວຣັດບໍ່ໃຫ້ຕິດໃນເຄື່ອງຄອມພິວເຕີຂອງບໍລິສັດ ຊຶ່ງຈະກໍ່ໃຫ້ເກີດຄວາມເສຍຫາຍຕໍ່ລູກຄ້າ ແລະ ມີຜົນຕໍ່ລາຍໄດ້ ລວມໄປເຖິງເຮັດໃຫ້ງານບາງຢ່າງເກີດຄວາມລ່າຊ້າ ຈຳເປັນທີ່ຈະຕ້ອງມີຜູ້ເບິ່ງແຍງເລື່ອງລະບົບຄອມພິວເຕີໂດຍກົງ ທັງການຈ້າງພະນັກງານປະຈຳ ຫລື ຖ້າຈະໃຫ້ປະຫຢັດ ແລະ ໄດ້ຄຸນນະພາບ ກໍສາມາດຈ້າງພະແນກ IT Outsources ເພື່ອເຂົ້າມາເບິ່ງແຍງຄອມພິວເຕີ ມາເບິ່ງແຍງການອັບເດດໂປຣແກຣມກັນໄວຣັດ ແລະ ຊ່ວຍເຫລືອເລື່ອງການແກ້ໄຂການຕິດໄວຣັດໄດ້ຢ່າງວ່ອງໄວໃນໄລຍະຍາວ
ການກວດຈັບ ຫລື ສະແກນໄວຣັດ (Virus Scanner)
ໄວຣັດຄອມພິວເຕີນັ້ນສາມາດແພ່ກະຈາຍໄດ້ໃນທຸກແພລດຟອມ ແລະ ມີລັກສະນະໄຮ້ເຂດແດນ ບໍ່ຍ້ານຊັນຊາດໃດ ຫລື ປະເທດໃດ ພຽງແຕ່ເຊື່ອມຕໍ່ອິນເຕີເນັດ ຄອມພິວເຕີທຸກເຄື່ອງໃນໂລກກໍຕົກເປັນເປົ້າໝາຍຂອງໄວຣັດຄອມພິວເຕີທີ່ສາມາດຕິດຕໍ່ ແລະ ເຄື່ອນຈາກຄອມພິວເຕີໃນປະເທດໜຶ່ງໄປສູ່ອີກປະເທດໜຶ່ງໄດ້ຢ່າງວ່ອງໄວ ດ້ວຍເຫດນີ້ ໂປຣແກຣມກວດຈັບໄວຣັດຄອມພິວເຕີດ້ວຍວິທີການສະແກນ ຫລື ສະແກນເນີ (Scanner) ຈຶ່ງມີຄວາມຈຳເປັນທີ່ຈະຕ້ອງໄດ້ຮັບການຕິດຕັ້ງໄວ້ໃນຄອມພິວເຕີ
ໂດຍວິທີການເຮັດວຽກຂອງສະແກນເນີຈະດືງຄຸນສົມບັດບາງສ່ວນຂອງໄວຣັດຄອມພິວເຕີເອີ້ນວ່າ ໄວຣັດຊິກເນເຈີ (Virus Signature) ຫລື ລາຍເຊັນລັກສະນະສະເພາະຂອງໄວຣັດ ມາເກັບໄວ້ເປັນຖານຂໍ້ມູນເພື່ອໃຫ້ເມື່ອແອນຕີ້ໄວຣັດເຮັດວຽກຈະສາມາດສົ່ງສະແກນເນີເຂົ້າກວດຈັບໄວຣັດໂດຍຕາມຮ່ອງຮອຍຊິກເນເຈີດັ່ງກ່າວໃນຫນ່ວຍຄວາມຈຳ ແລະ Boot Sectors ບໍ່ຕ່າງຈາກການໃຊ້ໝາດົມກີ່ນນັ້ນເອງ
ໂປຣແກຣມປ້ອງກັນໄວຣັດ ຫລື ແອນຕີ້ໄວຣັດນັ້ນມີຢູ່ຫລວງຫລາຍຫຼາຍປະເພດ ແຕ່ລ້ວນມີຄຸນສົມບັດຄືກັນ ຄື ການກວດຈັບ (identify) ຂັດຂວາງ ແລະ ກຳຈັດການເຮັດວຽກຂອງໄວຣັດຄອມພິວເຕີ ຜ່ານການໃຊ້ເຕັກນິກ 2 ປະການ ຄື
- ການກວດສອບໄຟລ໌ທີ່ສົງໄສວ່າມີຮ່ອງຮອຍຂອງໄວຣັດຄອມພິວເຕີທີ່ເກັບບັນທຶກໄວ້ໃນຖານຂໍ້ມູນ Virus Dictionary ຫລືບໍ່
- ສະແກນເພື່ອກວດຈັບຄວາມຜິດປົກກະຕິຂອງໂປຣແກຣມ, ໄຟລ໌ ຫລື ອຸປະກອນຈັດເກັບຂໍ້ມູນ ຢ່າງ ຊີດີຣອມ, Flash drive ວ່າມີພຶດຕິກຳທີ່ເຂົ້າຂ່າຍວ່າມີໄວຣັດຄອມພິວເຕີແຝງຝັງຢູ່ຫລືບໍ່ ເພື່ອດຳເນີນກັກເກັບ ແລະ ທຳລາຍໃນທີ່ສຸດ
ປະຈຸບັນມີແອນຕີ້ໄວຣັດຈຳນວນຫລາຍທີ່ຖືກພັດທະນາຂຶ້ນເພື່ອຕໍ່ກອນກັບໄວຣັດຄອມພິວເຕີທັງ 7 ປະເພດທີ່ກ່າວເຖິງຂ້າງຕົ້ນ ຢ່າງໃດກໍຕາມ ໄວຣັດຄອມພິວເຕີກໍມີພັດທະນາການທີ່ໜ້າກົວ ແລະ ທະວີຄວາມຮ້າຍແຮງຫລາຍຢິ່ງຂຶ້ນ ການຕິດຕັ້ງແອນຕີ້ໄວຣັດທີ່ມີປະສິດທິພາບແລະ ສັກກະຍະພາບຮອບດ້ານຈຶ່ງເປັນສິ່ງທີ່ສຳຄັນຕໍ່ການໃຊ້ງານຄອມພິວເຕີຢ່າງປອດໄພ ທັງນີ້ ເພື່ອຮັກສາຄວາມເປັນສ່ວນຕົວ ແລະ ຄວາມປອດໄພຂອງຂໍ້ມູນພາຍໃນຄອມພິວເຕີ ຈຶ່ງຄວນເລືອກແອນຕີ້ໄວຣັດທີ່ມີຄວາມເໝາະສົມ ແລະ ມີຄຸນສົມບັດໃນການສະແກນກວດຈັບໄວຣັດຄອມພິວເຕີໄດ້ທຸກຊະນິດ ແລະ ທີ່ສຳຄັນຄືຕ້ອງມີການອັບເດດຖານຂໍ້ມູນຢ່າງສະໝ່ຳສະເໝີຈຶ່ງຈະສາມາດປ້ອງກັນອັນຕະລາຍຈາກໄວຣັດຄອມພິວເຕີໄດ້ຢ່າງສົມບູນ
 ຮູ້ໄວ້ປ້ອງກັນໄດ້ ຮູ້ພາຍຫລັງອາດສ່ຽງຕໍ່ຂໍ້ມູນສູນຫາຍ ){kind=link}
0 ความคิดเห็น