ທຸກມື້ນີ້ເຮົາສາມາດເຂົ້າເຖິງຄວາມຮູ້ຕ່າງໆ ໃນໂລກໃບນີ້ໄດ້ດ້ວຍປາຍນິ້ວສຳຜັດ ເຖິງແມ່ນວ່າເຕັກໂນໂລຢີຈະເຮັດໃຫ້ຊີວິດພວກເຮົາງ່າຍຂຶ້ນ ແຕ່ໃນຂະນະດຽວກັນ ປະໂຫຍດທີ່ເຮົາໄດ້ມາຄວນຕ້ອງແລກກັບຄວາມເປັນສ່ວນຕົວທີ່ນ້ອຍລົງ ໃນໂລກປະຈຸບັນ ການປົກປ້ອງຄວາມເປັນສ່ວນຕົວເປັນສິ່ງສຳຄັນຫລາຍ ຫາກຂາດຄວາມເປັນສ່ວນຕົວ ເຮົາຍອມສ່ຽງກັບການຖືກສໍ້ໂກງ ແລະ ການໂຈມຕີຈາກໄພໄຊເບີຕ່າງໆໄດ້ ຕິດຕາມເບີ່ງໃຫ້ດີຄວາມເປັນສ່ວນຕົວ (Internet Privacy) ແລະ ຄວາມປອດໄພ ອິນເຕີເນັດ (Internet Security) ຖືເປັນສິ່ງທີ່ຜູ້ບໍລິໂພກໃນຍຸກນີ້ກຳລັງຕ້ອງການ ແລະ ຜູ້ໃຫ້ບໍລິການທີ່ຕອບໂຈດເຫຼົ່ານີ້ເທົ່ານັ້ນທີ່ຈະຢູ່ຕໍ່ໄປໄດ້
ເປັນທີ່ຮູ້ດີວ່າ Google ຕິດຕາມເກັບຂໍ້ມູນກ່ຽວກັບກິດຈະກຳທີ່ເຈົ້າເຮັດໃນອຸປະກອນ ໃນແອບຯ ແລະ ບໍລິການຕ່າງໆ ຫຼາຍທ່ານອາດຢັງບໍ່ຮູ້ເລີຍວ່າ ການຕິດຕາມຂອງ Google ນັ້ນລວມໄປເຖິງທຸກສະຖານທີ່ທີ່ເຮົາເຄີຍໄປ, ປະຫວັດການຊື້ສິນຄ້າ ແລະ ຂໍ້ມູນສ່ວນຕົວຂອງເຮົາອີກຫລາຍຢ່າງ ຈະເຫັນໄດ້ວ່ານີ້ຄື ຄວາມສ່ຽງດ້ານຄວາມປອດໄພ ຫາກປະຫວັດສ່ວນຕົວຂອງເຮົາຕົກຢູ່ໃນມືຜູ້ປະສົງຮ້າຍ ເຖິງແມ່ນ Google ຈະພະຍາຍາມໂນ້ມນ້າວຜູ້ໃຊ້ໃນນະໂຍບາຍການເກັບຂໍ້ມູນສ່ວນຕົວ ວ່າເພື່ອນຳໄປສູ່ການປັບປຸງການໃຫ້ບໍລິການຕ່າງໆ ເຊັ່ນ ຊ່ວຍໃຫ້ເຮົາຄົ້ນຫາຮ້ານອາຫານທີ່ມີລັກສະນະກົງກັບຈຸດປະສົງຂອງເຮົາກໍຕາມ ແຕ່ທ້າຍທີ່ສຸດແລ້ວ ມັນຂື້ນຢູ່ກັບຜູ້ໃຊ້ຢ່າງເຮົາວ່າຈະວາງໃຈໃຫ້ Google ໃຊ້ຂໍ້ມູນຂອງເຮົາເທົ່າໃດ ຫລື ເລືອກທີ່ຈະບໍ່ອະນຸຍາດໃຫ້ Google ເກັບຂໍ້ມູນເຮົາເລີຍກໍໄດ້
Google ເກັບຂໍ້ມູນໃດກ່ຽວກັບເຮົາໄວ້ດ້ວຍ?
ເຮົາສາມາດຂໍເບິ່ງຂໍ້ມູນທັງໝົດທີ່ Google ລວບລວມກ່ຽວກັບຕົວເຮົາ ໄດ້ 2 ວິທີ ດັ່ງນີ້
ຜູ້ໃຊ້ສາມາດດຶງຂໍ້ມູນຈາກ Google ແລະ ໂອນໄປໃຊ້ບໍລິການທີ່ອື່ນໄດ້ ໂດຍເກັບຂໍ້ມູນຮູບພາບ, ຊື່ທີ່ຢູ່ໃນ Contacts, ການຕັ້ງຄ່າອຸປະກອນ Android, ລາຍການ Bookmarks ໃນ Chrome, ຂໍ້ມູນກິດຈະກຳ Google Fit ແລະແມ່ນແຕ່ປະຫວັດການສັ່ງພິມເອກະສານຜ່ານ Cloud ໂດຍທົ່ວໄປ Google ອາດໃຊ້ເວລາເຖິງ 2 – 3 ມື້ໃນການລວບລວມລາຍການປະຫວັດຂອງເຮົາ ແລະ ຈະສົ່ງລິງກ໌ດາວນ໌ໂຫຼດມາໃຫ້
ແດດຊ໌ບອດໄດ້ຮັບການອອກແບບໂດຍຄຳນຶງເຖິງປະໂຫຍດໃນການຈັດການຂໍ້ມູນ ໂດຍສະເໜີພາບລວມຂອງຂໍ້ມູນທີ່ Google ລວບລວມກ່ຽວກັບເຮົາເມື່ອເຮົາໃຊ້ບໍລິການ ຊຶ່ງລວມເຖິງຈຳນວນການຮັບ-ສົ່ງອີເມລໃນ Gmail, ຈຳນວນໄຟລ໌ໃນ Google Drives ແລະ ຈຳນວນຮູບພາບທີ່ Google ຈັດເກັບໄວ້ ແຕ່ຂໍ້ມູນສຳຄັນຄືສິ່ງທີ່ Google ເອີ້ນວ່າ “ຂໍ້ມູນກິດຈະກຳ (Activity Data)” ເຊັ່ນ Location ຫລື ການ Search ຫລື ປະຫວັດການ Search ຊຶ່ງ Google Maps ຈະບັນທຶກຕາມຕິດທຸກທີ່ທີ່ເຮົາເຄີຍໄປ ສາມາດລະບຸສະຖານທີ່, ວັນ ແລະ ເວລາທີ່ບັນທືກຮູບຖ່າຍໄວ້ຢ່າງລະອຽດ
ອີກແຫຼ່ງຂໍ້ມູນສ່ວນຕົວ ຄື ຂໍ້ມູນໂປຣໄຟລ໌ຂອງເຮົາ ລວມເຖິງວັນເດືອນປີເກີດ ຂໍ້ມູນປະເພດນີ້ Google ບໍ່ອະນຸຍາດໃຫ້ລົບໄດ້ ແຕ່ເພື່ອຄວາມປອດໄພ ອາດເລືອກປ້ອນຂໍ້ມູນທີ່ບໍ່ກົງກັບຄວາມຈິງໄປກໍໄດ້ ພຽງແຕ່ຕ້ອງຈຳໃຫ້ໄດ້ວ່າໃສ່ຂໍ້ມູນຫຍັງໄປດ້ວຍ ເນື່ອງຈາກຕ້ອງລະບຸຂໍ້ມູນໃຫ້ກົງກັນເມື່ອຕ້ອງການຣີເຊັດລະຫັດຜ່ານ
Google ໃຊ້ຂໍ້ມູນສ່ວນທີ່ເກັບລວບລວມໄວ້ເພື່ອສ້າງໂປຣໄຟລ໌ຂອງກຸ່ມເປົ້າໝາຍເພື່ອການໂຄສະນາ ແລະ ສ້າງລາຍໄດ້ໃຫ້ແກ່ບໍລິສັດ, ລາຍຮັບຈາກໂຄສະນາຂອງ Google ສູງເຖິງ 32.6 ພັນລ້ານເຫຼັນສາຫະລັດ ສະເພາະໃນໄຕມາດທີ່ແລ້ວພຽງໄຕມາດດຽວ ລາຍໄດ້ເຫຼົ່ານີ້ບໍ່ແມ່ນຈາກການຂາຍຂໍ້ມູນຂອງເຮົາໃຫ້ແບຣນດ໌ ໂດຍກົງ ແຕ່ໃຫ້ແບຣນດ໌ ໃຊ້ຖານຂໍ້ມູນເຫຼົ່ານີ້ເພື່ອການເຮັດໂຄສະນາໃຫ້ເຂົ້າເຖິງກຸ່ມເປົ້າໝາຍຫລາຍທີ່ສຸດ ນີ້ຄືເຫດຜົນວ່າເປັນຫຍັງແບນເນີໂຄສະນາເຄື່ອງກິລາລຸ້ນທີ່ມັກທີ່ເຮົາເຄີຍຫາຂໍ້ມູນເມື່ອມື້ກ່ອນ ຄອຍຖ້າໂຜໃຫ້ເຮົາເຫັນຕາມເວັບໄຊຢູ່ເລື້ອຍໆ ໂຄສະນາຂອງ Google ຢັງໄດ້ຮັບອິດທິພົນສະທ້ອນຈາກພຶດຕິກຳຂອງເຮົາ ເຊັ່ນ ຖ້າເຮົາຄົ້ນຫາ “ສະຫນາມກິລາທີ່ໃກ້ທີ່ສຸດ” ໃນ Google Maps ຫລື ເບິ່ງໄຮໄລທ໌ແມດຊ໌ທີມກິລາດັ່ງໆ ໃນ YouTube ເລື້ອຍໆ ລະບົບຈະຕິດວ່າເຮົາເປັນແຟນທີມບານເຕະນັ້ນ!
ສູ່ຄວາມເປັນສ່ວນຕົວ ດ້ວຍການຕັ້ງຄ່າບັນຊີ Google
ການຕັ້ງຄ່າ Default ຂອງ Google ເນັ້ນການລວບລວມຂໍ້ມູນຜູ້ໃຊ້ຫລາຍກວ່າຄວາມເປັນສ່ວນຕົວ ແຕ່ Google ກໍເປີດໃຫ້ຜູ້ໃຊ້ມີທາງເລືອກໃນກໍລະນີທີ່ຕ້ອງການຕັ້ງຄ່າຕ່າງໆໄດ້ ເຊັ່ນ
➥ ການລົບປະຫວັດການໃຊ້ງານແບບອັດໂນມັດ
ຫຼັງຈາກເກັບສະສົມຂໍ້ມູນຜູ້ໃຊ້ໄວ້ດົນຫຼາຍປີ ປະມານຕົ້ນເດືອນພຶດສະພາທີ່ຜ່ານມາ Google ປະກາດວ່າເລີ່ມທົດສອບຟັງກ໌ຊັນການລົບປະຫວັດການໃຊ້ງານແບບອັດໂນມັດ ໂດຍຜູ້ໃຊ້ສາມາດກຳນົດຊ່ວງເວລາທີ່ອະນຸຍາດໃຫ້ Google ເກັບຂໍ້ມູນໄວ້ໄດ້ ໄລຍະເວລາຕັ້ງແຕ່ 3-18 ເດືອນ ດັ່ງນັ້ນຂໍ້ມູນທີ່ເກົ່າກວ່າ 18 ເດືອນຈະຖືກລົບໂດຍອັດໂນມັດ
➥ ການລົບປະຫວັດການໃຊ້ງານແບບອັດໂນມັດ
ຫຼັງຈາກເກັບສະສົມຂໍ້ມູນຜູ້ໃຊ້ໄວ້ດົນຫຼາຍປີ ປະມານຕົ້ນເດືອນພຶດສະພາທີ່ຜ່ານມາ Google ປະກາດວ່າເລີ່ມທົດສອບຟັງກ໌ຊັນການລົບປະຫວັດການໃຊ້ງານແບບອັດໂນມັດ ໂດຍຜູ້ໃຊ້ສາມາດກຳນົດຊ່ວງເວລາທີ່ອະນຸຍາດໃຫ້ Google ເກັບຂໍ້ມູນໄວ້ໄດ້ ໄລຍະເວລາຕັ້ງແຕ່ 3-18 ເດືອນ ດັ່ງນັ້ນຂໍ້ມູນທີ່ເກົ່າກວ່າ 18 ເດືອນຈະຖືກລົບໂດຍອັດໂນມັດ
➥ ການຕິດຕາມການໃຊ້ງານເວັບໄຊ ແລະ ແອບຯ
ຜູ້ໃຊ້ສາມາດເລືອກ “ປິດ” ການຕິດຕາມການໃຊ້ງານໃນເວັບໄຊ ແລະ ແອບຯ ຊຶ່ງຈະຍຸດຕິການລວບລວມປະຫວັດການ Search ແລະ ການໃຊ້ງານແອບຯຕ່າງໆ ຂອງຜູ້ໃຊ້ ຫາກປິດຕົວເລືອກນີ້ ຜູ້ໃຊ້ຈະບໍ່ເຫັນຜົນການ Search ລ່າສຸດ ຫລື ແບບທີ່ Google ສະແດງຜົນຕາມຄວາມສົນໃຈຂອງເຮົາ
➥ ການໃຊ້ງານແບບ Voice
ຫາກເຮົາເຄີຍໃຊ້ມືຖືໂດຍສັ່ງງານດ້ວຍສຽງ ໂດຍຄລິກທີ່ໄອຄອນໄມໂຄຣໂຟນໃນ Chrome ຫລື ເວົ້າວ່າ “ໂອເຄ Google” ສຽງຂອງເຮົາຈະຖືກບັນທຶກເກັບໄວ້ Google ອ້າງວ່າຈະໃຊ້ຂໍ້ມູນດັ່ງກ່າວເພື່ອປັບປຸງລະບົບການຮຽນຮູ້ ແລະ ຈົດຈຳສຽງ (Speech Recognition) Google ເກັບໄວ້ໝົດທຸກຄລິບສຽງ ມີລາຍລະອຽດວ່າເວົ້າເມື່ອໃດ ຜ່ານ Chrome ຫລື Android Google App ໂດຍຜູ້ໃຊ້ສາມາດເລືອກລົບຖິ້ມທັງໝົດໄດ້
➥ ການຕິດຕາມ Location ຂອງຜູ້ໃຊ້
ຂໍ້ມູນປະຫວັດ Location ຂອງຜູ້ໃຊ້ຈະຖືກບັນທືກໄວ້ຕະຫລອດມາເປັນໄລຍະເວລາຫຼາຍປີແລ້ວ ແມ່ນໃນຄະນະທີ່ບໍ່ໄດ້ໃຊ້ Google Maps ຜູ້ໃຊ້ສາມາດເລືອກເບິ່ງປະຫວັດດັ່ງກ່າວໄດ້ ຫາກປິດການຕິດຕາມ Location ຜູ້ໃຊ້ຢັງສາມາດໃຊ້ Google Maps ໄດ້ ແຕ່ຕ້ອງແລກກັບການທີ່ບໍ່ໄດ້ຮັບຄຳແນະນຳສະຖານທີ່ໃໝ່ໆ ຕາມຂໍ້ມູນສະຖານທີ່ທີ່ເຮົາເຄີຍໄປ ຫລື ໄດ້ຮັບໂຄລະນາທີ່ບໍ່ກົງກັບຄວາມສົນໃຈຂອງເຮົາໄດ້ ແຕ່ປິດສະເພາະຟັງຊັນ Location ອາດຢັງບໍ່ພໍເນື່ອງຈາກ Google ແລະແອບຯບາງຕົວຢັງສາມາດຮູ້ Location ຂອງເຮົາໄດ້ຢູ່ ຫາກຕ້ອງການປິດການຕິດຕາມນີ້ຢ່າງສົມບູນແບບ ຕ້ອງເລືອກ “ປິດ” ການຕິດຕາມການໃຊ້ງານເວັບໄຊ ແລະ ແອບຯດ້ວຍ
➥ ການຕັ້ງຄ່າອື່ນໆ
ນອກເໜືອຈາກນີ້ເຮົາຢັງສາມາດປິດການຕິດຕາມປະຫວັດການເບິ່ງ YouTube ແລະປະຫວັດການ Search ແລະໄປທີ່ Google Photos ເພື່ອເລືອກປິດການໃຊ້ງານ Facial Recognition (ການລະບຸຕົວຕົນຈາກການຈົດນຳໃບໜ້າ) ແລະ ລົບຂໍ້ມູນ Location ອອກຈາກປະຫວັດຂອງຮູບພາບທີ່ເປີດແຊຣ໌ໄວ້
➥ ບໍ່ອະນຸຍາດໃຫ້ Google ໃຊ້ຂໍ້ມູນສ່ວນຕົວເຮັດໂປຣໄຟລ໌ກຸ່ມເປົ້າໝາຍໂຄສະນາ
ເລືອກປິດການໃຊ້ກິດຈະກຳເທິງເວັບໄຊ ແລະ ຂໍ້ມູນອື່ນໆ ຈາກບໍລິການຂອງ Google ເພື່ອສະເໜີໂຄສະນາໃນສິ່ງທີ່ເຮົາສົນໃຈ ໂດຍການຕັ້ງຄ່າລັກສະນະນີ້ບໍ່ແມ່ນການ Block ໂຄສະນາ ຜູ້ໃຊ້ຈະຢັງຄົງເຫັນໂຄສະນາຕ່າງໆຢູ່ ແຕ່ຈະເປັນໃນຮູບແບບທີ່ອາດບໍ່ຖືກຕາມຄວາມສົນໃຈຂອງຜູ້ໃຊ້ ແລະ ຜູ້ໃຊ້ສາມາດເລືອກລົບ ຫລື ປິດ “ຫົວຂໍ້ທີ່ສົນໃຈ” ໄດ້ອີກດ້ວຍ
ວິທີທີ່ດີທີ່ສຸດ ຄື ການລົບບັນຊີ Google ອອກໄປເລຍ ແຕ່ນັ້ນອາດຈະເປັນວິທີທີ່ຫັກດິບເກີນໄປ ປະຈຸບັນຜູ້ໃຊ້ມີທາງເລືອກໂດຍປ່ຽນໄປໃຊ້ບໍລິການທີ່ບໍ່ແມ່ນຂອງ Google ແຕ່ມີປະສິດທິພາບຕອບໂຈດໄດ້ເຊັ່ນກັນ ເຊັ່ນ ໃຊ້ Firefox ແທນ Chrome ຫລືໃຊ້ DuckDuckGo ແທນ Google Search
ນອກຈາກນີ້ ເຖິງຈະເລືອກລົບບັນຊີ Google ອອກທັງໝົດ Google ກໍຢັງຄົງສາມາດຕິດຕາມ ແລະ ຄາດເດົາຕົວຕົນຂອງເຮົາທາງອ້ອມ ຜ່ານເຄື່ອງມືປັນຍາປະດິດທີ່ເກັບລາຍງານຂໍ້ມູນຜູ້ໃຊ້ໃນຮູບ “ຂໍ້ມູນແຝງ” ຊຶ່ງ Google ອ້າງວ່າບໍ່ໄດ້ຜູກຊື່ຂອງຜູ້ໃຊ້ ຫລື ລາຍລະອຽດອື່ນໆທີ່ສາມາດລະບຸຕົວຕົນຂອງຜູ້ໃຊ້ໄດ້ ຊຶ່ງຜູ້ໃຊ້ສາມາດເລືອກແອບຯທີ່ບລັອກໂຄສະນາ ເຊັ່ນ AdBlock Plus ຫລືລົງ Extensions ເພີ່ມຄວາມເປັນສ່ວນຕົວດ້ວຍແອບຯ ຊື່ Disconnect ຫລື Ghostery ທີ່ບລັອກເຄື່ອງມືຕິດຕາມ ເຊັ່ນ ຄຸກກີ້ ແລະ ເຄື່ອງມືຕິດຕາມໃນໂຊຊຽວ
ການເລືອກປ່ຽນຮາດແວຈາກມືຖືທີ່ໃຊ້ລະບົບປະຕິບັດການ Android ມາເປັນ iPhone (iOS) ກໍເປັນອີກທາງເລືອກທີ່ໜ້າສົນໃຈບໍ່ນ້ອຍເລີຍ ເນື່ອງຈາກນະໂຍບາຍປົກປ້ອງຄວາມເປັນສ່ວນຕົວລ່າສຸດຂອງຄ້າຍ Apple ເບິ່ງຈະເນັ້ນໄປໃນທິດທາງທີ່ເປັນເຈົ້າປະໂຫຍດແກ່ຜູ້ໃຊ້ຢ່າງຫລາຍ ໂດຍ Apple ໄດ້ຕຽມອອກບໍລິການຊື່ “Sign-in with Apple” ຊຶ່ງເປີດຕົວສົດໆ ຮ້ອນໆ ລະຫວ່າງງານເປີດຕົວຊອບແວ ແລະ ເຕັກໂນໂລຢີໃໝ່ຂອງ Apple (WWDC 2019) ເມື່ອວັນທີ 3 ມີຖຸນາ ທີ່ຜ່ານມາ ໃນການນີ້ Apple ຄາດວ່າ Sign-in with Apple ຈະເປັນທາງເລືອກທີ່ດີກວ່າການ Sign-in ເຂົ້າໃຊ້ງານແອບຯ ຫລື ເວັບໄຊຜ່ານບັນຊີ Google, Facebook ຫລື Twitter ເລຍທີດຽວ ເນື່ອງຈາກທາງ Apple ຈະປົກປິດຂໍ້ມູນຜູ້ໃຊ້ລວມເຖິງຈະບໍ່ສະແດງອີເມລຈີງໃຫ້ທາງແອບຯ ຫລື ເວັບໄຊເຫຼົ່ານັ້ນຮູ້ ແລະ ພາຍໃນປີນີ້ຈະເລີ່ມໃຊ້ງານຢ່າງແພ່ຫຼາຍ
ອ້າງອິງທີ່ມາ
0 ความคิดเห็น