Visual Studio Code (VS Code) ອາວຸດຄູ່ໃຈຂອງນັກພັດທະນາໂປຣແກຣມຫຼາຍໆຄົນ (ໃຊ້ຟຣີຕະຫຼອດຊິບ)

Editor ຕົວ​ນີ້​ມັນ​ອອກ​ມາ​ຕັ້ງ­ແຕ່ 29 ເມ­ສາ ປີ 2015 ແລ້ວ ພັດ­ທະ­ນາ​ຂຶ້ນ​ໂດຍ​ບໍ­ລິ­ສັດ​ຍັກ​ໃຫຍ່​ຢ່າງ ​ໄມ​ໂຄ​​ຣຊອບຕ໌ ເປັນ​ທັງ​​ຕົວ​ແກ້​ໄຂ​ແລະ ​ປັບ​ແຕ່ງ​​ໂຄ້ດ (code optimized editor) ທີ່​ຕັດ​ຄວາມ​ສາ­ມາດ​ມາ​ຈາກ Visual Studio ​​ລຸ້ນ​ປົກ­ກະ­ຕິ (ພວກ GUI designer) ອອກ​ໄປ ເຫຼືອ​ແຕ່​ຕົວ editor ຢ່າງ​ດຽວ ສາ­ມາດ​ເຮັດ​ວຽກ​ໄດ້​ຂ້າມ​ແພ​​ລດຟອມ​ທັງ​ໃນວິນ​ໂດ​​ວສ໌ ແມ​​ກ ແລະ​ ລິ​​ນຸກ ຊັບ​ພອດ​ພາ­ສາ​ຫຼາຍ​ຮ້ອຍ​ພາ­ສາ​ອີກ​ດ້ວຍ​ ຊຶ່ງ​ທາງ​ໄມ​ໂຄ​​ຣຊອບທ໌​ເອງ​ໄດ້​ເປີດ​ໃຫ້​ໃຊ້​​ຟຣີ​ອີກ​ດ້ວຍ

ຄວາມ​ສາ­ມາດ​ຂອງ​ “vs code” ນັ້ນ​ຈະ​ມີ​ຄວາມ​ສາ­ມາດ​ໃນ​ການ​ເປີດ​ອ່ານ ແກ້​ໄຂ ແລະ ຂຽນ​​ໂຄ້ດ​ໄດ້​ຄື editor ຕົວ​ອື່ນໆ ເຊັ່ນ sublime, Atom, Notepad++ ມີ​ນັ້ນ​ເອງ ​ລວມ​​ເຖິງ​ຄວາມ​ສາ­ມາດ​ໃນ​ການ​ຕິດ​​ຕັ້ງ​ເຄື່ອງ­ມື​ເສີມ (Extension) ໂດຍ​ຮັບ­ຮອງ​ໄດ້​ວ່າ​ມີ​ຊັບ​ພອດ​ໄວ້ຫຼາຍຕົວ​ພໍ​ສົມ​ຄວນ

ແລ້ວ​ມັນ​ແຕກ​ຕ່າງ​ກັບ​​ຕົວ​ອື່ນ​​ແນວ​ໃດບໍ່? ເພ​​າະ​ວ່າ​ມັນ​ຖືກ​ພັດ­ທະ­ນາ​ມາ​ໃຫ້​ຕອບ​ໂຈດນັກ​ພັດ­ທະ­ນາ​ຢ່າງ​ເຮົາ​ຫຼາຍ​ທີ່​ສຸດ ການ​ດີ​ໄຊ​​ນ໌​ໜ້າ​ຕາ​ຂອງ​ມັນ​ຈຶ່ງ​ອອກ​ມາ​ແຕກ​ຕ່າງ​ຈາກ​​ຄ້າຍ​ອື່ນ​ຢ່າງ​ເຫັນ​ໄດ້​​ຊັດ ໃຫ້​ເປັນ​ຮູບ​ແບບ​ທີ່​ເຂົ້າ­ໃຈ​ ແລະ​ ໃຊ້​ງານ​ໄດ້​ງ່າຍ ບໍ່​ຕ້ອງ​ສຶກ­ສາ​ຫຍັງ​​ເພິ່ມ​ເຕີ່​​ມ​ກໍ​ໃຊ້​ງານ​ແບບ​ງ່າຍໆ​ໄດ້​ເ​ລີຍ

ສິ່ງ​ທີ່​ເຮັດ​ໃຫ້​ມັນ​ໂດດ​ເດັ່ນ​ກວ່າ​​​ຕົວ​ອື່ນໆ ຄື​ການ​ທີ່​ອອກ​ແບບ​ໃຫ້­ການ​ຄົ້ນ​ຫາ​ສິ່ງ​ຕ່າງໆ ເຮັດ​ອອກ​ມາ​ໃຫ້​ໃຊ້​ງານ​ໄດ້​ງ່າຍ ​ແລະ​ ເບິ່ງ​ງ່າຍ​ກວ່າ​​ຕົວ​ອື່ນໆ ທັງ​ຫມົດ​ເຖິງ​ການ​ທີ່​ສ້າງ​ໃຫ້​ສາ­ມາດ​ເຊື່ອມ​ຕໍ່​ກັບ Git ໄດ້​ຢ່າງ​ວ່ອງ­ໄວ​ ແລະ ​ງ່າຍ­ດາຍ​ ມີ​ຟັງ​​ກ໌​ຊັນ​ໃນ​ການ commit, push&pull ຢູ່​ໃນຕົວ ຫຼື ຈະ​ເບິ່ງ change ຂອງ​ໄຟ​​ລ໌​ທີ່​ເກີດຂື້ນ​ກໍ​ໄດ້​ແບບ​ງ່າຍໆ ສຸດຍອດ​ໄປ​ເລີຍ

ຈາກ​ການ​ທີ່​ໄດ້​ໃຊ້​ງານ​ມາ​ຕະຫຼອດ​ຫຼາຍ​ເດືອນ ເຮັດ​ໃຫ້​ຮູ້­ສຶກ​ໄດ້​ວ່າ​ມັກ​​ຕົວ​ນີ້​ຢ່າງ​ຈິງ​ຈັງ ອາດ​ຈະ​ເພ​​າະ​ວ່າ​ຕອນ​ໃຊ້​ງານ​ນັ້ນ​ຮູ້­ສຶກ​ວ່າ​ມັນ​ເຮັດ​ວຽກ​ໄດ້​ໄວ​ກວ່າ​​​ຕົວ​ອື່ນໆ ໃຊ້​ງານ​ໄດ້​ງ່າຍ​ກວ່າ

ຫາກ​ເຈົ້າ​ເປັນ​ຄົນ​ໜຶ່ງ​ທີ່​ຢັງ​ຫາ Editor ຄູ່​ໃຈ​ຢັງ​ບໍ່​ໄດ້​ກໍ​ຢາກ​ໃຫ້​ລອງ​ໂຫຼ​​ດ​ຕົວ​ນີ້​ມາ​ໃຊ້​ງານ​ເບິ່ງ​ໂດຍ​ສາ­ມາດ​ໂຫຼ​​ດ​ໄດ້​ຈາກ https://code.visualstudio.com/Download