ປະຈຸບັນຄອມພິວເຕີມີບົດບາດຕໍ່ຊີວິດປະຈຳວັນຂອງເຮົາຫຼາຍ ບໍ່ວ່າຈະເປັນໄວຮຽນ ຫຼື ໄວເຮັດວຽກກໍມີຄວາມຈຳເປັນໃນການໃຊ້ຄອມພິວເຕີ ທັກສະການໃຊ້ໂປຣແກຣມດ້ານການອອກແບບກຣາບຟິກ ເປັນທັກສະທີ່ຫຼາຍຄົນນຳມາໃຊ້ໃນການພັດທະນາດ້ານການຮຽນ-ການສອນ ແລະ ການເຮັດວຽກງານໃຫ້ໄດ້ຮຽນຮູ້ ແລະ ນຳມາປະຍຸກໃຊ້ກັບງານຕ່າງໆ ໃນອົງກອນ ແລະ ໃນດ້ານການຮຽນຢ່າງມີປະສິດທິພາບ ຊຶ່ງໂປຣແກຣມທີ່ມີປະສິດທິພາບດ້ານການອອກແບບ ແລະ ສ້າງງານກຣາບຟິກໃນປະຈຸບັນ ຄື ໂປຣແກຣມ Adobe Photoshop ຊຶ່ງມີການພັດທະນາຕໍ່ເນື່ອງມາຈົນເຖິງປະຈຸບັນ
ໂປຣແກຣມ Adobe Photoshop ນັບວ່າມີບົດບາດສຳຄັນຢ່າງຫຼາຍໃນການພັດທະນາທາງດ້ານການຮຽນ ການສອນໂດຍສະເພາະໃນດ້ານການພັດທະນາສື່ການສອນໂດຍໃຊ້ໂປຣແກຣມ Adobe Photoshop ແລະ ນຳໂປຣແກຣມມາປະຍຸກໃນດ້ານການຮຽນ - ການສອນຕ່າງໆ ບໍ່ວ່າຈະເປັນສຶກສາເພື່ອໃຫ້ມີຄວາມຮູ້ຄວາມເຂົ້າໃຈ ກ່ຽວກັບພື້ນຖານການສະແດງຜົນຂອງພາບກຣາບຟິກ ລວມເຖິງລັກສະນະຂອງລະບົບການສະແດງພາບ, ປະເພດຂອງໂໝດສີ ແລະ ໄຟລ໌ພາບປະເພດຕ່າງໆໄດ້ ສາມາດນຳຄວາມຮູ້ທີ່ໄດ້ ໄປປະຍຸກໃຊ້ກັບໂປຣແກຣມດ້ານກຣາບຟິກ ໃນການສ້າງງານຕ່າງໆໄດ້ຢ່າງເໝາະສົມ ແລະ ເປັນການນຳໂປແກຣມສຳເລັດຮູບ ເພື່ອສ້າງ ແລະ ຕົກແຕ່ງພາບ ໂດຍຜູ້ຮຽນຈະສາມາດສຶກສາເນື້ອຫາໃນເລື່ອງສ່ວນປະກອບຂອງໂປຣແກຣມ ການໃຊ້ເຄື່ອງມືພື້ນຖານ ວາດພາບ ຕົກແຕ່ງຮູບພາບດ້ວຍເຄື່ອງມືແຕ່ງສີ ສາມາດຕັດແຕ່ງພາບສະເພາະສ່ວນ ປັບແຕ່ງຮູບຮ່າງໃຫ້ກັບຮູບພາບ ສ້າງ ແລະ ນຳຂໍ້ຄວາມມາໃຊ້ໃນການຕົກແຕ່ງຮູບພາບ ມີການສ້າງເລເຢີ ແລະ ຟິວເຕີໃນການເຮັດວຽກ
ໃນການສ້າງຮູບພາບ ຫຼື ຕົກແຕ່ງຕັດຕໍ່ ເພື່ອຄວາມສວຍງາມ ແລະ ນຳໄປໃຊ້ໃນງານຕ່າງໆໃນໂປຣແກຣມ Photoshop ຕ້ອງມີຄວາມຮູ້ ຄວາມເຂົ້າໃຈໃນພື້ນຖານໂປຣແກຣມເປັນຕົ້ນແມ່ນເຄື່ອງມື ແລະ ສ່ວນປະກອບຕ່າງໆເສຍກ່ອນເຖິງຈະປະຕິບັດໄດ້ຖືກຕ້ອງ ແລະ ມີຄຸນນະພາບທີ່ດີ ພ້ອມທັງສາມາດນຳໄປພັດທະນາຕົນເອງໄດ້ ເຖິງຈະລົງມືເຮັດໄດ້ ພວກນ້ອງໄດ້ເບິ່ງເຫັນຄວາມສຳຄັນນີ້ຈຶ່ງຈັດເຮັດບົດໂຄງການ ການໃຊ້ໂປຣແກຣມ Adobe Photoshop CS6 ຂຶ້ນເພື່ອເປັນປະໂຫຍດແກ່ຜູ້ສົນໃຈທາງດ້ານການອອກແບບ Graphic.
0 ความคิดเห็น