ສຳຫຼວດຄຸນສົມບັດບ່ອນຈັດເກັບຂໍ້ມູນຂອງ Drive

ຄຸນສົມບັດຂອງ Drive

ຈັດເກັບຂໍ້ມູນໄດ້ຟຣີເຖີງ 15GB

         Drive ຈະ​ເລີ່ມ​ຕົ້ນ​ໃຫ້​ທ່ານມີບ່ອນ​ຈັດເກັບໄຟລ໌ອອນ​ລາຍ​ Google ຟ​ຣີ 15 GB, ເພື່ອໃຫ້ທ່ານທ່ານ​ສາ​ມາດ​ຈັດເກັບຮູບ, ເລື່ອງລາວ, ການ​ອອກ​ແບບ, ແບບແຕ້ມ, ການ​ບັນ​ທຶກ, ວິ​ດີ​ໂອ ແລະ ອື່ນໆ​ໄດ້. ໃຊ້ໄດ້ກັບ Drive, Gmail ແລະ Google ຮູບພາບ ເພື່ອໃຫ້ທ່ານສາມາດບັນທຶກໄຟລ໌, ບັນທຶກໄຟລ໌ແນບອີເມວ ແລະ ບັນທຶກຮູບພາບໄດ້ໂດຍກົງໃສ່ Drive. ນອກຈາກນັ້ນ, ທ່ານຍັງສາມາດ ສັ່ງຊື້ບ່ອນຈັດເກັບຂໍ້ມູນຄລາວທີ່ມີຂະໜາດໃຫຍ່ຂຶ້ນ ໃນເວລາທີ່ຕ້ອງການໄດ້.

ເກັບບັນທືກໄຟລ໌ໄດ້ຫຼາຍຮູບແບບ:

        ທ່ານ​ສາ​ມາດ​ຈັດເກັບຮູບ, ເລື່ອງລາວ, ການ​ອອກ​ແບບ, ແບບແຕ້ມ, ການ​ບັນ​ທຶກ, ວິດີໂອ, ພຣີເຊັນເທເຊິນ, ໄຟລ໌ PDF ຫຼື ແມ່ນແຕ່ໄຟລ໌ຈາກ Microsoft Office ແລະ ອື່ນໆ​ໄດ້. ບໍ່ວ່າໄຟລ໌ນັ້ນຈະເປັນປະເພດໃດ, ທຸກຢ່າງສາມາດບັນທຶກໄວ້ໄດ້ຢ່າງປອດໄພໃນ Drive.

ເບິ່ງ​ໄຟລ໌​ຂອງ​ທ່ານ​ໄດ້​ຈາກ​ທຸກ​ບ່ອນ
      ທ່ານສາມາດເຂົ້າເຖິງໄຟລ໌ຂອງທ່ານໃນ Drive ຈາກໂທລະສັບ, ແທັບເລັດ ຫຼື ຄອມພິວເຕີໃດກໍໄດ້. ດັ່ງນັ້ນ, ບໍ່ວ່າທ່ານຈະໄປບ່ອນໃດ, ໄຟລ໌ຂອງທ່ານກໍຈະຕິດຕາມທ່ານໄປ.

ແບ່ງ​ປັນ​ໄຟລ໌​ແລະ​ໂຟນເດີ:
         ທ່ານ​ສາມາດ​ສົ່ງ​ຄຳເຊີນ​ໃຫ້​ຄົນ​ອື່ນ​ເພື່ອ​ມາ​ເບິ່ງ, ດາວໂຫລດ ແລະ​ເຮັດ​ວຽກ​ຮ່ວມ​ກັບ​ໃນ​ທຸກ​ໄຟລ໌​ທີ່​ທ່ານ​ຕ້ອງການ–ບໍ່​ຈຳ​ເປັນ​ຕ້ອງ​ແນບ​ໄຟລ໌​ໃນ​ອີເມວ​ອີກ​ຕໍ່​ໄປ.

         ໄຟລ໌ Drive ແມ່ນເປັນສ່ວນຕົວຈົນກວ່າທ່ານຈະຕັດສິນໃຈແບ່ງປັນພວກມັນ; ທ່ານສາມາດເຊີນຄົນອື່ນມາເບິ່ງ, ຂຽນຄຳເຫັນ ແລະ ແກ້ໄຂໄຟລ໌ ຫຼື ໂຟນເດີໃດກໍໄດ້ທີ່ທ່ານເລືອກໄດ້ຢ່າງງ່າຍດາຍ. ມັນເປັນການເຮັດວຽກຮ່ວມກັນອອນລາຍທີ່ງ່າຍດາຍ.

ມີຄວາມປອດໄພ ແລະ ໝັ້ນຄົງ:

         ຄວາມປອດໄພຂອງໄຟລ໌ທ່ານເປັນເລື່ອງຈຳເປັນຫຼາຍ. ນັ້ນຄືສາເຫດທີ່ໄຟລ໌ທຸກໄຟລ໌ໃນ Drive ຈະປອດໄພຢູ່ສະເໝີບໍ່ວ່າຈະເກີດຫຍັງຂຶ້ນກັບໂທລະສັບ, ແທັບເລັດ ຫຼື ຄອມພິວເຕີຂອງທ່ານ. Drive ໃຊ້ການເຂົ້າລະຫັດແບບ SSL ເຊິ່ງເປັນລະບົບຄວາມປອດໄພແບບດຽວກັບທີ່ໃຊ້ໃນ Gmail ແລະ ບໍລິການອື່ນໆຂອງ Google.

ບັນທືກໄຟລ໌ແນບຈາກ Gmail:

         ລາກໄຟລ໌ແນບໃສ່ Gmail ແລ້ວຊອກຫາໂລໂກ້ Drive ທ່ານຈະສາມາດບັນທຶກໄຟລ໌ແນບໃດກໍໄດ້ໃສ່ Drive ຂອງທ່ານ ແລະ ແບ່ງປັນພວກມັນໄດ້ໃນບ່ອນປອດໄພບ່ອນດຽວ.

ຊອກຫາໄດ້ງາຍ ແລະ ມີປະສິດທິພາບ:

         Drive ສາມາດຈັດລະບຽບສິ່ງຕ່າງໆໃນຮູບພາບ ແລະ ຂໍ້ຄວາມທີ່ຢູ່ໃນເອກະສານທີ່ສະແກນມາແລ້ວໄດ້. ດັ່ງນັ້ນ, ທ່ານຈຶ່ງສາມາດຊອກຫາຄຳສັບໃດໜຶ່ງ ເຊັ່ນ: "Eiffel Tower" ແລະ ພົບເອກະສານທີ່ມີຄຳສັບນັ້ນໄດ້ ຮວມທັງຮູບພາບຂອງ Eiffel Tower ແທ້ນຳ.

Google ຮູບພາບ:

         ເກັບບັນທຶກຮູບພາບຂອງທ່ານໃນ Drive ແລ້ວເປີດເບິ່ງດ້ວຍແອັບ Google ຮູບພາບ

Chromebooks:

          Google Drive ແມ່ນມີມາພ້ອມກັບ Chromebooks ແລ້ວ, ດັ່ງນັ້ນໄຟລ໌ ແລະ ຮູບພາບຕ່າງໆຂອງທ່ານແມ່ນຈະຖືກສຳຮອງຂໍ້ມູນອັດຕະໂນມັດ. ທ່ານຈະໄດ້ຮັບບ່ອນຈັດເກັບຂໍ້ມູນຟຣີຈຳນວນ 100GB ເປັນເວລາສອງປີເມື່ອຊື້ Chromebooks ຮຸ່ນໃໝ່ໆ.

ແອັບ Docs, Sheets ແລະ Slides:

       ສ້າງ ແລະ ເຮັດວຽກຮ່ວມກັບຜູ້ອື່ນ. ສ້າງເອກະສານ ແລະ ໄຟລ໌ຕ່າງໆ, ສ້າງສະເປຣດຊີດ ແລະ ພຣີເຊັນເທເຊິນໄດ້ທັນທີດ້ວຍແອັບ Docs, Sheets ແລະ Slides.

ດາວໂຫລດ Docs ສຳລັບ Android

ດາວໂຫລດ Docs ສຳລັບ IOS

ດາວໂຫລດ Shets ສຳລັບ Android

ດາວໂຫລດ Shets ສຳລັບ IOS

ດາວໂຫລດ Slides ສຳລັບ Android
ດາວໂຫລດ Slides ສຳລັບ IOS

Google Forms:

       ໃຫ້ທ່ານສາມາດສ້າງແບບສຳຫຼວດ ຫຼື ສ້າງບັນຊີລາຍຊື່ດ້ວຍແບບຟອມອອນລາຍງ່າຍໆ. ຈາກນັ້ນກວດເບິ່ງຜົນທີ່ຖືກຈັດໃຫ້ເປັນລະບຽບຮຽບຮ້ອຍໃນສະເປຣດຊີດແລ້ວ.

Google Drawings:

    ຈັດກຽມໄດອະແກຣມ, ສ້າງແຜນວາດການເຮັດວຽກ ແລ້ວຈາກນັ້ນເພີ່ມພວກມັນໃສ່ເອກະສານອື່ນ ຫຼື ເອັມເບດໃສ່ເວັບໄຊໃດໜຶ່ງໄດ້ຢ່າງງ່າຍດ້ວຍ Google Drawings.

ແອັບ Drive ອື່ນໆ:

        ແກ້ໄຂຮູບໂປຣໄຟລ໌ຂອງທ່ານ, ສ້າງແຜນທີ່ຄວາມຄິດ ແລະ ອື່ນໆອີກ. ດ້ວຍແອັບ Drive ຫຼາຍກວ່າ 100 ແອັບທີ່ສາມາດຊ່ວຍໃຫ້ທ່ານເຮັດວຽກໄດ້ຫຼາຍຂຶ້ນ. ລອງໃຊ້ພວກມັນໄດ້ໂດຍການຕິດຕັ້ງຈາກ ຄໍເລັກຊັນ Drive ໃນ Chrome Web Store.

ສະແກນເອກະສານ:

         ສະແກນເຈ້ຍເອກະສານທັງໝົດຂອງທ່ານດ້ວຍ Drive ສຳລັບ Android. ພຽງຖ່າຍຮູບຂອງເອກະສານຕ່າງໆ ເຊັ່ນ: ໃບຮັບເງິນ, ຈົດໝາຍ ແລະ ສະເຕດເມັນ ແລ້ວ Drive ຈະບັນທຶກພວກມັນເປັນ PDF ທັນທີ.

ເຮັດວຽກແບບອອບລາຍ:

         ເຮັດໃຫ້ໄຟລ໌ສາມາດໃຊ້ໄດ້ອອບລາຍເພື່ອໃຫ້ທ່ານເບິ່ງໄຟລ໌ເຫຼົ່ານັ້ນໄດ້ຈາກໂທລະສັບ ຫຼື ແທັບເລັດໃນກໍລະນີທີ່ບໍ່ໄດ້ເຊື່ອມຕໍ່ອິນເຕີເນັດ ເຊັ່ນ: ຢູ່ເທິງຍົນ ຫຼື ບ່ອນອັບສັນຍານ.

ເບີ່ງຄືນໄຟລ໌ທີ່ເຄີຍໃຊ້ໄດ້:

         ທ່ານສາມາດເບິ່ງປະຫວັດການແກ້ໄຂຄືນຫຼັງໄດ້ໄກເຖິງ 30 ມື້ໃນປະເພດໄຟລ໌ສ່ວນໃຫຍ່, ເຮັດໃຫ້ງ່າຍໃນການເບິ່ງວ່າໃຜປ່ຽນແປງຫຍັງແດ່ ແລະ ກັບໄປໃຊ້ເວີຊັນກ່ອນໜ້າ.

ອ່ານລາຍລະອຽດໄດ້ທີ່ນີ້